POP 5

Lajmet më të lexuara të 5 minutave të fundit

Sociale

Pigmentet e pa certifikuara të tatuazheve rrezik për HIV/AIDS, dermatologia: Tatuazhet me ngjitje të dëmshëm për fëmijët

Pas heqjes nga qarkullimi të 4 mijë substancave të përdorura në tatuazhe, dermatologët këshillojnë refuzimin e pigmenteve të pacertifikuara. Pasojat e përdorimit të tyre, sipas dermatologes Erjona Shehu, janë alergjitë e rënda, deri në infektim me HIV/AIDS.

Që prej 4 janarit, Bashkimi Europian ka ndaluar me ligj përdorimin e mbi 4 mijë pigmenteve në tatuazhe, pas shtimit të rasteve me kancer, alergjive të rënda të lëkurës, e deri tek dëmtimi i strukturës së ADN-së.

“Tatuazhet janë kthyer vit pas viti në një trend modern, kryesisht për adoleshentët të cilët rrëmbehen nga dëshira për të patur një të tillë, por a janë të rrezikshme tatuazhet?”

Mungesa e sterilitetit dhe përdorimi i pigmenteve të pacertifikuara, për dermatologen Erjona Shehu, janë shkaqet kryesore të inflamacioneve të rënda deri në infektimin me hepatite apo HIV/AIDS.

“Zona ku aplikohen tatuazhet, falë traumës por edhe bojës që aplikohet në të, mund të kthehet në një vatër e cila vazhdimisht bëhet vulnerabël, priret vazhdimisht që të vuajë nga deramtite të ndryshme por edhe të bëjë mbiinfeksione të herëpashershme”, thotë dermatologia.

E po aq të rrezikshme, janë edhe tatuazhet me ngjitje që përdorin fëmijët.

“Pikërisht në zonën ku kanë vënë këto tatuazhet kanë bërë dermatite irritative kontakti”, vijoi ajo.

Selim Çela, drejtues i një studioje tatuazhesh thotë se fluksi i klientëve është i lartë, madje edhe nën moshën 18 vjeç, teksa jep garanci për sigurinë e pigmenteve që ai përdor.

“Moshat e vogla i aknë shuëm dëshirë tatuazhet por ne nuk i bëjmë, domethënë i refuzojmë. Kjo është boja është elementare që përdoret tek tatuazhet. Është shumë e sigurt sepse është firmë botërore. Kjo është një pako gjilpërash dhe janë si gjilpërat që bëhen tek trupi i njeriut. Janë të izoluara”, u shpreh Çela.

Megjithatë dermatologia Shehu, ka një këshillë për të gjithë ata që duan të pikturojnë mbi trupin e tyre.

“Përpara se ne të shpresojmë tek autoritetet t’ia lëmë më mirë në dorë informacionit që merr gjithsecili prej nesh”, tha Shehu.

SI.E./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça