Lifestyle

Po dëmtoni shëndetin! Këto ushqime mos i kombinoni kurrë me njëra-tjetrën kur i konsumoni

Kombinimet e ushqimeve që kemi listuar më poshtë rezultojnë të jenë të dëmshme për trupin pasi frenojnë proceset e tretjes dhe çojnë në dhimbje stomaku, të përziera dhe lodhje

Foto Ilustruese

Redaksia 7 Janar, 19:13 | Përditesimi: 7 Janar, 19:15

Kombinimet e ushqimeve që kemi listuar më poshtë rezultojnë të jenë të dëmshme për trupin pasi frenojnë proceset e tretjes dhe çojnë në dhimbje stomaku, të përziera dhe lodhje.

Proteina shtazore dhe karbohidrate
Ndoshta kombinimi më i popullarizuar i ushqimit, karbohidratet me proteina shtazore si mishi dhe patatet, nuk është aq i pafajshëm sa keni menduar. Mund të shkaktojë fryrje ndaj rekomandohet që të hani mish të kuq me sallatë ose oriz të zi.

Proteina me proteina
Kombinimi i dy burimeve të pasura me proteina, si vezët me proshutën, mund të jetë mjaft i shijshëm, por në të njëjtën kohë është edhe i rrezikshëm. Ky kombinim ushqimor rëndon sistemin tretës, i cili merr shumë kohë për t’u tretur. Përveç kësaj, konsumimi i shpeshtë i tij rrit mundësinë e obezitetit.

LEXO EDHE:
Shenjat që tregojnë se po e teproni me konsumimin e kripës

Qumësht me fruta
Qumështi me fruta është një kombinim dietik që mund të shkaktojë probleme me tretjen dhe aciditet në traktin gastrointestinal.

Ushqimi dhe uji
Pirja e ujit ose lëngjeve me vakt është një nga kombinimet ushqimore më të dëmshme. Uji hollon acidet e stomakut, duke penguar kështu ndarjen e proteinave, karbohidrateve dhe yndyrave. Ndaj shmangni pirjen e ujit me vaktin ose pas tij dhe përpiquni të shuani etjen të paktën 10 minuta para vaktit. Kjo taktikë do të ndihmojë në procesin e hollimit të enzimave të stomakut dhe do t’ju shpëtojë nga kaloritë e panevojshme që do të merrnit nga mbikonsumimi.

Xh.K/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com