Publikohen formacionet, Shqipëri mbrojtëse, Reja heq Roshin në momentet e fundit

Ndryshe nga ajo çfarë pritej, trajneri Edy Reja do të hedhë në fushë një skuadër mbrojtëse. Në portë italiani i ka besuar Thomas Strakoshës. Në mbrojtje Shqipëria do të luajë me katër ndryshe nga herët e tjera. Veseli, Gjimshiti, Ismajli dhe Dermaku do të jenë muri përballë yjeve të Turqisë.

Në mesfushë kuqezinjtë luajnë me një tenor si Keidi Bare, një shkatërrues Klaus Gjasulën dhe Lenjani i cili më shumë do të angazhohet në krahun e majtë. Përpara tyre Ledian Memushaj do të jetë fantazisti i Rejas për këtë ndeshje ndërsa dyshja e sulmit i besohet përsëri Cikalleshit dhe Manajt. Por ajo çfarë bie në sy është se pritej që Shqipëria të luante me tre mbrojtës, dhe duke shfrytëzuar shpërthimet e Roshit nga ana e djathtë por Reja e ka ulur në stol fierakun duke vendosur që të mbrohet më shumë se sa të sulmojë.

 Turqia hedh në fushë yjet e saj, të cilët janë lojtarë shumë të rrezikshëm dhe të njohur për shqiptarët pasi luajnë me ekipe të njohur në Evropë si Hakan Calhanoglu, Merih Demiral, Cenk Tosun që luajnë me ekipe si Milan, Juventus dhe Everton. 

Lajmi kryesor:

Shqipëria e pafat kundër Turqisë, goli në minutat e fundit fik çdo shpresë për Euro 2020

TAG:
• kombetarja
• turqi-shqiperi