UKRAINË- Shqipëria, Mali i Zi dhe Maqedonia e Veriut do të rindërtojnë një bllok banesash në Irpin, një ndër qytetet më të shkatërruara në Ukrainë si pasojë e sulmeve nga Rusia. Kjo për 2 kryeministrat, Edi Rama dhe Dritan Abazoviç është një mesazh i fortë për Bashkimin Europian, që duhet të bëjë më shumë. Vendimi iu bë i ditur ballë për ballë presidentit ukrainas, Volodymyr Zelenskyy, në konferencën e përbashkët për shtyp, që kulmoi vizitën e tyre disa orëshe në Kiev. Rama teksa dha lajmin për rindërtimin e një lagjeje në Irpin, nga ku ishte vetë dëshmitar i pasojave shkatërruese të luftës, nuk nguroi edhe të “thumbonte” Bashkimin Europian.
“Jam i lumtur që ratë dakord me propozimin tonë për të bashkuar përpjekjet dhe për të ndërtuar një bllok secili prej vendeve, për familjet dhe fëmijët e Irpin. BE dhe shumë të tjerë janë pjesë e kësaj përpjekje por le ta bëjmë në mënyrën ballkanike pa shumë burokraci dhe të jemi të parët që e bëjmë këtë gjë e kjo ndoshta do të përshpejtojë përpjekjet e të tjerave”, tha Rama, me shpresën se do t’i bashkohet dhe Serbia, Bosnja dhe Hercegovina, e Kosova.
Ukraina pret që të merr statusin e vendit kandidat në Bashkimin Europian dhe 2 kryeministrat Rama e Abazoviç kanë shprehur mbështetjen e tyre ndaj popullit të Ukrainës në këtë rrugëtim në familjen Europiane. Rama tha se nuk do nervozoheshin aspak, pse BE-ja do të anëtarësonte Ukrainën, ndërkohë që Shqipëria vijon të pres ditën jeshile.
Të njëjtin mesazh e përcolli edhe Abazoviç.
“Nuk kemi asnjë problem nëse BE i jep statusin kandidat Ukrainës, askush nuk duhet të thotë jo se po t’ia japim Ukrainës, këta të tjerët që po procesin do bëhemi nervoz, jo nuk ndodh kështu”, tha Rama.
“Nuk duhet të zgjatet shumë me çështjet e procedurave, për plotësimin e kritereve”, tha Abazoviç.
Në vazhdën e këtyre deklaratave, edhe Zelenskyy tha se Shqipëria, Ukraina, Mali i Zi dhe Maqedonia e Veriut, nuk duhet të shihen si rivale, por mbështetëse të njëra-tjetrës, pasi të gjitha e meritojnë integrimin në familjen Europiane.
“Shqipëria, Ukraina, Mali i Zi dhe Maqedonia, duhet të integrohen në BE, nuk jemi rivalë, por plotësojmë njëra-tjetrën”, tha Zelensky.
Kjo konferencë për shtyp përmbylli vizitën gati 1 ditore në Ukrainë, ku së bashku me Abazoviç panë nga afër pasojat e luftës që ushtria ruse po kryen atje që prej 24 shkurtit. Pas vizitës 12-orëshe me tren, dy krerët e Qeverive të Ballkanit Perëndimor u pritën nga forca të shumta ushtarake dhe delegacioni ukrainas në Kiev. Vizita e tyre nisi në Bucha, e më pas në Borodyanka e Irpin, tre ndër qytetet e prekura nga masakrat dhe varret masive të civilëve.
Më pas ata vizituan ekspozitën për luftën ruso-ukrainase, ku panë të dokumentuara tmerret me të cilat është përballuar populli ukrainas. Vizita vijoi me takimin e kryeministrit të Ukrainës, Denys Shmyhal, dhe kryebashkiakut të Kievit, Vitali Klitschko.
Në këtë vizitë zyrtare, Rama ishte i shoqëruar nga Elisa Spiropali, Ministrja e Shtetit për Marrëdhëniet me Parlamentin, Endri Fuga, Drejtor i Agjencisë për Media dhe Informim, Volodymyr Shkurov, Ambasador i Republikës së Ukrainës në Shqipëri dhe Dorjan Duçka, Këshilltar i jashtëm.
Gjatë vizitës në Kiev kryeministri Rama është takuar dhe me Vitaliy Klychko kryetari i bashkisë së Kievit njëherazi dhe ish kampioni i boksit.
"Bashkia Kiev! Me kryetarin, kampionin botëror të boksit, Vitali Kliçko", shkruan Rama në foton e shpërndarë në facebokk krah tij.
Kryeministri Edi Rama po zhvillon një vizitë në Ukrainë ku ka takuar dhe presidentin ukrainas dhe zyrtarë të lartë të Ukrainës.
Kryeministri Edi Rama është shprehur se nuk e sheh Ukrainën si rivale, duke këmbëngulur që nuk do bëheshin nervoz nëse BE do i jepte statusin e vendit kandidat për t’u anëtarësuar në familjen Europiane.
“Mund të marrësh statusin kandidat, por të nesërmen dielli nuk lind më herët, jeta do jetë po aq e vështirë, me shpresë do përmirësohet falë shpresës e vendosmërisë tuaj, do jetë një proces i gjatë, kam humbur sa vite ka që kur Maqedonia dhe në jemi bërë vend kandidat, ja ku jemi ende në pritje, na thonë që e meritojmë, por ka diçka që nuk shkon mes Bullgarisë e Maqedonisë, nuk e di kur do I nisim negociatat se nuk varet nga ne e as nga BE, nëse edhe në këtë Këshill nuk do të jenë në gjendje që ta zhbllokojnë Maqedoninë e Veriut nga Bullgaria, do kërkojmë të ndahemi, jemi këtu për t’i thënë mikut tonë të dashur, Zelensky që nuk kemi asnjë problem nëse BE I jep statusin kandidat Ukrainës, askush nuk duhet të thotë jo se po t’ia japim Ukrainës, këta të tjerët që po procesin do bëhemi nervoz, jo nuk ndodh kështu”, tha Rama.
Kryeministri i Malit të Zi Dritan Abazoviç tha se Ballkani do të japë ndihmë për rindërtimin e Ukrainës, ndonëse janë vende të vogla por do të kontribuojnë. Përveç kësaj, Abazoviç tha se po i japin Ukrainës mbështetje financiare.
“Lufta të ndalet, duhet të gjemë një rrugë sesi të ndalim luftën shkatërrimin masiv të infrastrukturës të shtëpive, vrasjes së njerëzve, pas kësaj do kemi mbështetje te plotë për rindërtimin e qyteteve. Nuk kemi shumë kapacitete jemi vende të vogla por do japim kontributin tonë. Siç po japim kontribut duke iu dhënë ca pajisje dhe mbështetje financiare, nuk është mjaft por është përgjegjësia jonë. Samit i tre kryeministrave nga Ballkani Perëndimor është një mesazh i fortë për BE, për vendet që janë superfuqi për të bërë shumë më tepër sesa ne. Ajo që keni bërë deri më tani është e pabesueshme. Nga ana jonë do keni mbështetjen tonë. 10 mijë ukrainas, janë mesë të mikpritur dhe ndihen mjaft të sigurt. Nuk dua të shoh që kemi refugjatë nga Ukraina sepse kanë shtëpitë e tyre këtu, dua të vijmë në atë kohë që të flasim për marrëdhëniet ekonomike të bërit biznes, kemi një mik të besuar do bëjmë më të mirën për të mbështetur çdo nismë. E dimë çfarë është agresioni dhe krimet e luftës. Në emër të paqes miqësisë iu uroj gjithë më të mirën për të ardhmen dhe faleminderit për këtë mundësi. Ky është një detyrim moral i vendeve të BE dhe më pas detyrim politik”, tha Abazoviç.
Gjatë konferencës e cila po zhvillohet në Kiev nga liderët e ballkanit dhe Zelenskyt, Presidenti i Ukrainës është shprehur se agresioni rus është agresion i ngjahsëm me nazizmin dhe mizoritë e tjera historike.
'Kjo luftë ka 8 vjet shkelje. Nuk mund ta krahasojmë këtë me, pushtimin në shkallë të gjerë. Ka nisur qysh prej 2014 por atëherë ishim të gatshëm për çdo gjë. Por askush nuk di ta mendonte për këtë torturë, në rajonin lindor, rajonin e Kievit, për vrasjet e Kievit. Kjo lloj mizorie ishte e paimagjinueshme. Kemi parë nazizëm, terrorizëm, ky është gjenocid!
Kjo nuk është vetëm me fjalë, mund ta shohësh me dytë e tu. Në mediet ruse, thuhet se nuk njohin Ukrainën si shtet, si territor, nuk e njohin si komb.
Kjo është një propagandë si ajo naziste.
Ata nuk e njohin sovranitetin tonë. Është çështje parimi për ta të mos na njohin si komb. Ata e kanë pasur këtë koncept prej vitesh. Ata kanë degraduar Ukrainën. Nëse ne biem, ata mund të fitojnë diçka. Kjo nuk duhet të vazhdojë. Është një dramë nga ato televizive, kur Ukraina mendoi të jetë e bashkuar me vendet e tjera të botës, atëherë kjo do përfundojë. Kjo është një propagandë që ndjekin ata. Nëse i luftojmë sëbashku, Ukraina do bëhet më e fortë” – tha Zelensky.
Në konferencën e përbashkët për shtyp me Volodymyr Zelenskyn, rama bëri me dije se janë gati të rindërtojnë një bllok banesash për familjet në Irpin.
“Me gjithë zemër zoti president për ftesën për të qenë këtu sot dhe ndihem i privilegjuar sëbashku me Dritanin dhe Dimirin i cili për arsye objektive nuk mund të ishte me ne. Si kryeministra të tri vendeve të NATO-s nga vendet e Ballkanit të gjendemi me ju dhe të dëshmojmë mbështetjen dhe solidaritetin tonë të plotë për ju dhe popullin ukrainas. Personalisht hezitoja të vija sepse përmasat e këtij tmerri janë të skajshme dhe mundësia që ka Shqipëria për të ndryshuar fatin e kësaj lufte nuk është aspak e mjaftueshme, por në të njëjtën kohë nuk mund të mos i përgjigjesha ftesës. Jam mirënjohëse për mikpritjen bujare dhe dëshirën për të ndarë me ne një pjesë mjaft të vogël të realitetit që më parë e kemi parë përmes fotove. Sot patëm mundësinë të shohim nga shumë pranë Irpinin. Jam i lumtur që ratë dakord me propozimin tonë për të bashkuar përpjekjet dhe për të ndërtuar një bllok secili prej vendeve, për familjet dhe fëmijët e Irpin. BE dhe shumë të tjerë janë pjesë e kësaj përpjekje por le ta bëjmë në mënyrën ballkanike pa shumë burokraci dhe të jemi të parët që e bëjmë këtë gjë e kjo ndoshta do të përshpejtojë përpjekjet e të tjerave. Të kërkesës suaj në emër të popullit ukrainas që BE ti japë Ukrainës statusin e vendit kandidat.
Ai tha se Shqipëria si vend anëtare jo e përhershme e Këshillit të Sigurimit të OKB-së, do të ngrejë zërin për shqetësimet e Ukrainës.
“Jam krenar të ndaj me ju që Shqipëria si anëtare jo e përhershme e Këshillit të Sigurimit, dhe bashkë nismëtare për rezoluta bashkë me SHBA, është e privilegjuar që t’i jap zë shqetësimeve dhe zërit të popullit të Ukrainës për një paqe të drejtë, kështu më lini t’ia kaloj fjalën Dritanit, duke falenderuar atë që po bëni, se ajo nuk është diçka që ia keni detyrë popullit të Ukrainës, është diçka që nuk detyroheni, por po e bëni, për vlerat dhe parimet të të jetuarit në paqe, për Europën dhe botën”, përfundoi Rama.
Presidenti Ukrainas, Volodomir Zelensky është shprehur se ky takim dëshmon mbështetjen e Shqipërisë dhe Malit të Zi ndaj Ukrainës. Ai tha edhe Ballkani Perëndimor duhet të integrohet në BE, duke mos e parë njëra-tjetrën si rivale, por si plotësuese e njëra-tjetrës.
“Ky takim është një dëshmi për mbështetjen për Ukrainën nga ana e tyre, për sovranitetin e saj dhe kauzën për anëtarësimin në BE, për të vënë përpara të drejtësisë përgjegjësit e krimeve. Ratë luftës, paketa e shtatë e sanksioneve duhet të ndihet në mënyrë akute nga Rusia, duhet të jetë përgjigje strategjike ndaj agresionit rus, na duhet të shmangim çdo zonë gri në Europë, Shqipëria, Ukraina, Mali i Zi dhe Maqedonia, duhet të integrohen në BE, nuk jemi rivalë, por plotësojmë njëra-tjetrën, ju falënderoj për mbështetjen, që mbështesni njerëzit tanë dhe shpresoj që shumë shpejt do jemi në gjendje së bashku për të punuar për rindërtimin e Ukrainës”, tha Zelensky.
Teksa kryeministri Edi Rama po viziton Kievin së bashku me kryeministrin e Malit të Zi Abazoviç, në Tiranë ish-kryeministri Sali Berisha ka akuzuar se nga vizita ishin përjashtuar ministrja e jashtme Olta Xhaçka dhe ministri i mbrojtjes Niko Peleshi, nga kryeministri Rama.
Në fakt, një gjë e tillë nuk është e vërtetë. Ministri Niko Peleshi ndodhet në Ministerialin e Ministrave të Mbrojtjes se vendeve të NATO-s, që zhvillohet në Bruksel, ndërsa ministrja e jashtme Olta Xhaçka ndodhet në Neë York, ku merr pjesë në një sesion diskutimi në Këshillin e Sigurimit të OKB.
Pra të dy ministrat, sipas agjendave të planifikuara prej muajsh, po përfaqësojnë vendin në organet më të rëndësishme të sigurisë globale, ku Shqipëria vazhdimisht ka mbështetur e vijon të mbështesë fuqimisht betejën për liri të Ukrainës.
Report Tv sjell fotot nga vizita e kryeministrit Edi Rama në Ukrainë. Me anë të kësaj foto galerie, tregohet i gjithë rrugëtimi i Ramës në Kiev, personat të cilët e kanë shoqëruar, vendet në të cilat ka qenë.
“Mali i Zi, Shqipëria dhe Maqedonia e Veriut kanë mbështetur iniciativën për t'i dhënë Ukrainës statusin kandidat për anëtarësim në Bashkimin Evropian (BE)”. Kështu u bë e ditur në një konferencë të përbashkët për shtyp të presidentit të Ukrainës Volodymyr Zelensky, kryeministrit të Malit të Zi Dritan Abazovic dhe kryeministrit të Shqipërisë Edi Rama.
Ai shtoi se është e rëndësishme Ukraina të ketë mbështetjen e vendeve anëtare të NATO-s, sepse çështja e sigurisë është prioritet dhe se Shqipëria, Mali i Zi dhe Maqedonia e Veriut, si anëtarë të NATO-s, mund të ngrenë çështjen e sigurisë së Ukrainës në takimet e Aleancës.
Kryeministri Edi Rama dhe ai i Malit të Zi, Dritan Abazoviç kanë zhvilluar takimin me presidentin e Ukrainës, Volodomir Zelensky.
Kryeministri i Malit të Zi, Dritan Abazoviç ndodhet në Kiev për të parë nga afër dëmet e shkaktuara nga bombardimet ruse. Pas vizitës në Borodyanka dhe Irpin, Abazoviç foli për mediat duke thënë se shkuan për të mbështetur Ukrainën ndërsa thekson se paqja nuk ka çmim.
"Të gjithë vlerësojnë shumë përpjekjet e Malit të Zi dhe vendeve të tjera të rajonit për të treguar solidaritet me popullin ukrainas. Ne jemi këtu për gjetjen e një zgjidhjeje në dialog, por gjëja më e rëndësishme është ndalimi i sulmeve, agresionit dhe vrasjes së civilëve", tha kryeministri malazez Dritan Abazoviç për RTCG.
Ndër të tjera tha se qytetet e shkatërruara nga lufta dëshmojnë një katastrofë të madhe humanitare.
"Është tragjike ajo që pamë dhe dëgjuam. Duhet të jemi krenarë për qytetarët e Malit të Zi që zgjodhën paqen. Paqja nuk ka çmim, paqja është gjithçka që na nevojitet. Gjëja më e rëndësishme është të jetojmë në paqe, ky është supozimi më i rëndësishëm i çdo gjëje”, tha kryeministri malazez.
Para takimit me presidentin ukrainas Volodymyr Zelensky, Abazoviç tha se ata janë "aty për të mbështetur Ukrainën".
Pjesë e agjendës zyrtare të Kryeministrit Rama gjatë udhëtimit në Ukrainë ishte edhe vizita në Muzeun Kombëtar të Historisë së Luftës së Dytë Botërore, ku shpaloset ekspozita kushtuar luftës ruso-ukrainase. Rama ka lënë të shkruar edhe një mesazh.
“Bota ta ndalë këtë horror dhe Ukraina të dalë e rilindur nga kjo”, ka shkruar ai.
Sali Berisha ka reaguar pas vizitës së Edi Ramës në Kiev. Ish-kryeministri Berisha në një postim në rrjetet sociale ka ngritur pyetjen se pse Edi Rama ka përjashtuar nga vizita ministrin Niko Peleshi dhe ministren e Jashtme Olta Xhaçkën. Sipas Berishës udhëtimi i tyre u refuzua nga vetë Rama, i cili e dinte se në bisedimet me Zelenskyn do t’i ngrinte Ramës çështjen e qëndrimit të tij të dyfishte ndaj agresionit rus kundër Ukrainës.
‘Pse Rama perjashtoi nga udhetimi ne Ukraine, Peleshin e mbrojtjes dhe Xhaçken e te jashtmes! Te dashur miq, Rama shkoi ne Ukraine i shoqeruar vetem nga Baton Stanishiq, Arben Malavita dhe Elisa e Skederbuçit.
Nga udhetimi u perjashtuan ministri i mbrojtjes Peleshi dhe e jashtmia Xhaçka. Udhetimi i ketyre te fundit u refuzua nga vete Rama. Kjo, sepse ai e dinte se ne bisedime Presidenti Zelenski do ti ngrinte Rames çeshtjen e qendrimit te tij te dyfishte ndaj agresionit rus kunder Ukraines.
Dihet se Shqiperia nga njera ane ka denoncuar agresionin rus ndaj Ukraines dhe zbatuar sanksionet ndaj Rusise, por nga ana tjeter, Edi Rama pranon turistet rus vrases, perdhunues dhe pengmarres ne luften ne Ukraine, te cilet vijne nga Beogradi ne Shqiperi per pushime dhe energji te reja per tu kthyer me pas ne front dhe vazhduar genocidin e krimet kunder njerezimit, kunder qytetareve te Ukraines.
Perveç kesaj, Rama, ne shkelje te sanksioneve, ka lejuar ankorime misterioze te anijeve ruse ne portet tona. Keto bisedime nuk mund ti degjonin Peleshi dhe Xhaçka, sepse pa u kthyer ne Shqiperi, gojet e tyre qe nuk mbyllen kurre, do te zbardhnin çdo gje.
Duke perfunduar, denoj me ashpersine me te madhe politiken dy-fytyreshe te Edi Rames ndaj Ukraines dhe kerkoj qe kjo politike te marre fund menjehere. Sb’- shkruan Berisha.
Mes rrënojave, pallateve të shkatërruara dhe pasojave të tjera që ka lanë pas lufta e ashpër mes Rusisë dhe Ukrainës në qytetet e Borodyankas dhe Irpinit. Këto janë pamjet që ka sjellë në facebook kryeministri Rama, të cilat i shikoni në fotot e mëposhme.
Kryeministri Rama, dhe homologu i tij në Mal të Zi, Dritan Abazoviç, kanë mbërritur në Ukrainën e e goditur nga forcat ruse mëngjesin e sotëm pas 12 orëve udhëtim me tren nga qyteti i Pshemishit, Poloni.
Kryeministri Edi Rama se bashku me kryeministrin e Malit të Zi, Dritan Abazoviç po vizitojnë në Ukrainë vendet e bombarduara nga ushtria ruse. Kryeministri i Malit të Zi ka publikuar një video nga Irpin, një nga qytet më të prekura nga bombardimet ruse.
Kryeministri Edi Rama ka publikuar pamjet nga mbërritja në Kiev. Aty duket se si zbret për të përshëndetur zyrtarët ukrainas ndërsa pranë tyre qëndrojnë forcat e sigurisë. Kryeministri Rama pret homologun malazez për të vijuar më pas udhëtimin drejt Borodyanka.
Kryeministri Edi Rama dhe homologu malazez Dritan Abazoviç kanë mbërritur në Borodyanka, qytet në rajonin Bucha për të parë nga afër krimet e luftës nga ushtria ruse.
Në zonën ku ndodhen duken qartë pallatet e djegura dhe trotuaret e shkatërruara si pasojë e sulmeve. Ndërkohë që zyrtarë ukrainas i shpjegojnë dëmet që kanë pësuar nga bombardimet e forcave ruse. "Jemi dëshmitarë të ferrit të luftës", shkruan Abazoviç në videon e publikuar.
Mes tyre ka edhe forca sigurie të Shqipërisë, Malit të Zi dhe Ukrainës.
Në udhëtimin drejt Ukrainës, Kiev, kryeministri Edi Rama është shoqëruar nga forcat RENEA si pjesë e sigurisë.
Gjatë vizitës në Bucha, ku do të shohin nga afër krimet e ushtrisë ruse në Ukrainë, do të jetë edhe Elisa Spiropali, Ministrja e Shtetit për Marrëdhëniet me Parlamentin, Endri Fuga, Drejtor i Agjencisë për Media dhe Informim, Volodymyr Shkurov, Ambasador i Republikës së Ukrainës në Shqipëri dhe Dorjan Duçka, Këshilltar i jashtëm.
Edhe kryeministri i Malit të Zi, Dritan Abazoviç shoqërohet nga forcat speciale.
Kryeministri i Malit të Zi, Dritan Abazovic ka publikuar pamjet e udhëtimit drejt Kievit së bashku me kryeministrin Edi Rama. Të dy shoqërohen nga ekipet e tyre dhe shkojnë me avion deri në Poloni dhe më pas marrin trenin për të shkuar në kryeqytetin e Ukrainës, ku do të takohen me presidentin Volodymyr Zelensky.
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21
Iniciativa per rindertimin eshte e mire.Po i gjendemi prane Ukraines,ashtu si bota na u gjend prane pas termetit.
PërgjigjuHahaha o zot.... teatër i papare
PërgjigjuRama ,ky rindertues i madh ????????????????.Lot lot
PërgjigjuDakort jam dhe une me rindertimin me parate publike te disa lagjeve ne Ukr. Me pas mund te japim nje PPP ne shendetesi, kolaudim tankesh, mbikalime dhe nenkalime me 40 Mil Eur/KM dhe ne fund per ta mbyll nje Kontrate 1 Eur per per kopshtin zoologjik te Kievit, pasi mbaruam pune me kopshtin e Tiranes qe ka dale nje mu. i vertete????????. Kesaj i thone tja fusesh bam -- thoshte Vani i shkrete te Pallati 176. Dhe kishte te drejte
PërgjigjuNe NUK KEMI AKOMA UJE 24 ORE NE TIRANE MOR HORR,,,TI DO NA HEDHESH LEKE NE UKRAINE.....RREGULLO NJEHERE VENDIN TEND O MUT,,SE I KE NJEREZIT ME 30.000 LEKE TE VJETRA NDIHME EKONOMIKE....T.Q.R.....
PërgjigjuMjerim o vlla …!
O Edvin shkjau shqipfolës, populli shqiptarë në Shqipëri nuk kan Kishor minimale për jetes e ty të doli koh që ta promovosh balkanin serborus që të ndertojë në Ukrain. Aty luftojn më shumë se 2000 serboqetnik në anën e rusis që vrasin , përdhunojn e masakrojn popullin e pa fajshëm Ukrainas, e ti ke fytyrë të na qet hi syve botën serboruse shkja shqipfolës, e ti sigurisht nuk e harrone që ta njollosësh edhe Kosovën për mos njohur nga parlamenti Ukrainas. Të premtojë se je i zbuluar si 1+1=2 . Një pyetje e kam për popullin tim shqiptarë , a e shifni se kryeministri bq i Shqipëris nuk është shqiptarë , por është një serb shqipfolës !!! Gjenocidin serb kundër shqiptarëve në Kosovë nuk e pranon e njashtu edhe gjenocidin serb në Bosnje dhe Hercogovin ! Si është e mundur që ky njeri të lejohet që ta shkatrrojë qdo gjë shqiptare…??? ZGJOHUNI NGA AGONIA O SHQIPTARË….
PërgjigjuShume bukur e ke kopjuar komentin... Po shiko punet ne kosove se ketu ne shqiperi i zgjidhim vete ne...
O Sali që mbjell veç zi Zia dhe gjëma të rënët në shtëpi,
PërgjigjuMos ua bej kete dhurate bllokun e pallateve se i bie te presin dhe ata nga 2-3 vjet ne cadra si ata te termetit ketu. Me kete vizite i harxhove aq fonde sa per t'u krekosur pak. Dhe ju ne komente kur perserisni te njejtat gjera si papagalle kuptohet qe jeni i njejti njeri koti, mos u lodhni e mos harxhoni kohe se nuk genjeni njeri.
PërgjigjuO sali po si ke ftyr e te komentosh negativisht vajtjen e kryeministrit rama ne ukraine??? Kape thelbin kape mos ki mendjen vec me hedh balt
PërgjigjuMesazhi qe zoti rama dha per ndalimin e luftes ne ukraine ishte nje mesazh teper orekes dhe ke te urojme te mbyllet sa me shpejt lufta mes rusise dhe ukraines
PërgjigjuShpresoj qe ky ferr te marri fund sa me shpejt sepse ata po perjetojne nje fatkeqesi mjafte te madhe
PërgjigjuNe kohera te veshtira lufte te gjithe duhet te behemi bashke qe ukraina te rigjeje paqen dhe qetesine dhe populli i saj mos te ndeshkohet padrejtesisht nga agresioni rus i tepruar
PërgjigjuSo ka mundësi që një kriminel hajdut si Salhe bajga të vazhdoi e të qëndron në politik. Ky njeri duhet prej shum vitesh të ishte në burg. Po ky vazhdon e bën politikën e tij kriminele. Po ky është Albanistani jon.
PërgjigjuEdvin shkjau shqipfolës ështé më i zi në zemer se 10 Saliha!
ndihemi shume keq per te gjithe situaten e krijuar ne Ukraine, dhe i pergezojme te gjithe lideret me ne krye zotin Rama qe po i qendrojne prane ne keto momente kaq te veshtira per popullin Ukrainas
PërgjigjuTa hongsha zemren sa mir qe e ke thon mi dreq. Sikur ta kish thon spilopali .qe u nderrua treher nga frika atje.I kish mush breket. E u nderrua 3 here
E pergezojme zotin Rama qe po i qendron prane popullit Ukrainas ne keto momente te veshtira per ta
PërgjigjuSale o pallosh ka samit nato ne bruksel dhe ti e di shum mir se cfar vendoset e firmoset sot.pra duke qen se esht marreveshje ushtarake dhe politike ministri i brendshem per anen ushtarake dhe ministrja e jashtme per ane e politikes se jashtme jan atje.na cave riken ne idiotlliqe o olak.po ik ore gezo ca ke vjedh se te ka kalu ene mosha e pensionit
PërgjigjuShume vende e kan mbeshtetur ukrainen por jo cdo lider ka guxuar te shkoj ne ukraine.
PërgjigjuDuket influenca e Rames e vlerat e shqiptarve. E mori dhe Abazovicin me vete edhe pse mali zi ka mardheni te mira me Rusin
PërgjigjuShqiptaret gjithmon krah te drejtes dhe gjithone ne mbeshtetje te lirise. Kemi qene gjithmone ne mbeshtetje te ukraines dhe do jemi deri ne fund
PërgjigjuDhe më në fund në krah të serborusis …!!!
Hahaha...
shpresoj qe kjo lufte te shuhet sa me pare. rrespekte per zotin rama qe vizitoi kievin ne kete kohe
Përgjigjume kujtohen pamjet e termetit te 2019 me vjen keq qe ukraina eshte ne kete gjendje
Përgjigjume ato pamje qe pash me kujtohet termeti i 2019 dhe me vjen keq per ukrainen qe eshte katandisur ne ate situat
PërgjigjuPamje te trishta nga ukraina nje perfaqesim i denje nga ana e kryeministrit te vendit tone
PërgjigjuJu lumte te dyve per kete takim qe do te beni dhe mbeshtetjen dhe kurajon qe po i jepni shtetit ukrainas
PërgjigjuIu lumte per mbeshtetjen te dyve qe po i jeni shtetit ukrainas ne kete sitate te keqe qe ndodhet shpresojme qe kjo lufte te marre fund sa me pare dhe cdo gje te kthehet ne normalitet
PërgjigjuDhe njehere tjeter e treguat qe jeni mbeshtetje per kedo qe eshte ne veshtiresi,ne kete rast per ukrainasit!
PërgjigjuMe vjen mire qe e keni mbeshtetur Ukrainen dhe po vazhdoni ta mbeshtesni????!Ky takim tregon dhe njehere vlerat e tuaja dhe na krenuat dhe njehere tjeter!
PërgjigjuNje vizite sado e vogel qe do te thote shume per ukrainen , dhe me kete vizite i jepni fund skeptikeve qe rama mbron ruset dhe politikat e tyre
PërgjigjuMbeshtetja qe i keni dhene popullit te Ukraines tregon qe je shume njeri i mire dhe mendon per ate popull qe po kalon nje periudhe shume te veshtire
PërgjigjuNje kryeminister i cili ve jeten e tij ne rrezik duke shkuar ne ukraine vetem per te ndihmuar dhe rrjedhimisht per ti shtuar pike plus shtetit shqiptar ne mardhenje me nderkombtaret.
PërgjigjuI vleresoj jasht mase perpjekjet dhe levizjet nderkombtare qe zoti Rama po ben. Do ndikojne shume ne avancimin tone drejt europes.
PërgjigjuJu lumt zoti rama tani ato kan me shume nevoj me shume se kurr per te gjithe ne me me behet qefi qe jeni ne mbeshtetjen te kuraines dhe i jepni mbeshtetje tuaj zoti rama
PërgjigjuNje vizite e tille eshte e rralle nuk e ben kushdo. Ju jeni nje kryeminister i cili e vlersoni shume paqen dhe lirin e popullit. Me vjen mir te shoh sesi ju po beni nje vizite te tille dhe po i jepni kaq shum perkrahje ukraines
PërgjigjuUkrania e meritom mbeshtetjen e shqiperise shpresoj qe ky takim te shkoj mire
PërgjigjuMe behet vertete qejfi kur shikoj Zotin Rama qe vizitoj nje vend te prekur nga lufta per ti dhene sadopak mbeshtetje
PërgjigjuBravo Edi Rama per mbeshtetjen qe i keni dhene Ukraines dhe keni treguar gjithmone qe i qendroni ne krah cdo populli ne nevoje
PërgjigjuKjo vizite do beje te mundur qe maredheniet me Zelenskyn te forcohen akoma me shume dhe te mbahen lidhje te mira per te ardhmen
PërgjigjuNepermjet kesaj vizite dy kryeministrat po tregojne se i qendrojne prane Ukraines dhe e mbeshtesin ate derisa liria dhe e drejta e saj te fitoje
PërgjigjuMe vjen mire qe permes ketij udhetimi drejt kievit ju po tregoni nje mbeshtetje te madhe per ukrainen dhe ktyeministrin e saj hero qe nuk u dorezua asnje moment perpara rusise
PërgjigjuNje vizite e rendesishme ne ukraine ne kete kohe te keqe lufte. Ky veprim tregon mbeshtetjen e vendit tone ndaj qytetareve fatkeq te kesaj lufte te tmerrshme
Përgjigju