Raportimi për anti-korrupsionin, dështon mbledhja e Këshillit të Integrimit, PS nuk merr pjesë! Gogu: Javë e gjelbërt

Raportimi për anti-korrupsionin, dështon mbledhja e Këshillit të Integrimit, PS nuk merr pjesë! Gogu: Javë e gjelbërt

Mbledhja e Këshillit të Integrimit

Mbledhja e Këshillit të Integrimit, që pritej të mbahej sot dështoi për shkak mungesës së përfaqësuesve të mazhorancës.

Vetëm një ditë pasi Konferenca e Kryetarëve miratoi draft-rezolutën e PS, për ngritjen e komisionit pozitë- opozitë që do të diskutojë reformat për integrimin Shqipëria 2030, mbledhja e Këshillit të Integrimit Evropian nuk arriti që zhvilloj, ndërsa zgjati vetëm 10 minuta.

Ndërkohë, mos realizimi i kuorumit bëri që ministrja për administratën publike dhe anti-korrupsionin Adea Pirdeni të mos raportonte sot në mbledhje.

Kryetarja e Këshillit të Integrimit Jorida Tabaku, e cilësoi bojkotimin e mbledhjes nga ana e mazhorancës si zhgënjyese.

“E shoh me shqetësim faktin që në tre muajt e fundit ka pasur vështirësi reale për të funksionuar. Thonë duam të luftojnë korrupsionin dhe bojkotojnë mbledhjet”, deklaroi Tabaku.

Sipas Tabakut, ndarjet politike nuk duhet të pengojnë qëllimin e njëjtë që ka parlamenti.

“Mund të debatojmë, por për integrimin duhet të jemi të bashkuar”, tha ajo.

Nga ana tjetër, nënkryetari Toni Gogu, i vetmi socialist prezent, justifikoi mungesën e mazhorancës, me argumentin se kjo është javë e gjelbërt.

“Kjo është javë e gjelbërt dhe është detyrim për ne që të jemi me votuesit”, tha Gogu.

Mbledhja e Këshillit Kombëtar të Integrimit Evropian ishte parashikuar fillimisht që të zhvillohej të mërkurën më 22 maj, por raportimi i kreut të SPAK, Altin Dumanit, para Komisionit të Ligjeve e zhvendosi për sot, 24 maj.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?



×

Lajmi i fundit

 Ylli Pata: Si u shpik shqiponja me duar që çmendi shqiptarët e trazoi Ballkanin

Ylli Pata: Si u shpik shqiponja me duar që çmendi shqiptarët e trazoi Ballkanin