'Rruga e Kombit', protestë e paligjshme para Policisë Tiranë, procedohen 8 persona

8 persona janë proceduar për protestë të paligjshme para Policisë së Tiranës. Ditën e diel disa persona tentuan të hyjnë në Policinë e Tiranës me forcë, mes tyre ishin edhe disa deputetë të Partisë Demokratike. Report Tv mëson se mes të proceduarve janë Brizida Gjikondi, Andi Tepelena, Adriatik Lapaj dhe Besjan Pesha.

Policia e Tiranës bën me dije se 8 personat akuzohen se kanë protestuar në mënyrë të paligjshme për disa të arrestuarit në Kukës. Protestuesit e proceduar janë të moshës 30-46 vjecc, ndërkohë që Policia thotë se nuk ka ngritur akuzë ndaj deputetëve të opozitës, Klevis Balliu, Gent Strazimiri dhe Floida Kerpaci.

Ndërkohë edhe ditën e hënë me dhjetra protestues janë mbledhur para Policisë së Tiranës. Ata kanë kërkuar lirimin e të arrestuarve në Kukësdhe për një orë kanë bllokuar edhe rrugën pranë Drejtorisë së Policisë së Tiranë, duke moslejuar lëvizjen e automjeteve. Pavarisht se unfiromat blu kërkuan disa herë largimine tyre nga rruga, protestuesit nuk kanë pranuar.

LEXO EDHE:
Dëborë dhe akull në rrugën e Kombit, makina del nga rruga, shpëton mrekullisht familja (Video)

Mes protestuesve ishin përsëri deputetë të Partisë Demokratike dhe Lëvzijes Socialiste për Integrim. Protestuesit kanë qëndruar në trotuar gjatë gjithë ditës. Policia thotë se asnjë prej personave që kanë protestuar, nuk ka marrë leje nga Drejtoria e Policisë.

Njoftimi i policisë:
Më datë 02.04.2018, u referuan materialet në Prokurorinë pranë Gjykatës së Shkallës së Parë Tiranë, për shtetasit A.T., A.L., G.Gj., B.P., B.Gj., E.P., E.H., dhe A.K., vjeç 46, 30, 30, 38, 49, 35, 46 e 39, pasi dyshohet se në rrugën “Sami Frashëri”, në hyrjen kryesore të DVP Tiranë, kanë protestuar në mënyrë të paligjshme në lidhje me arrestimin e disa personave të ndaluar nga Prokuroria e Rrethit Gjyqësor Kukës. Neni 262 i Kodit Penal.

TAG:
• rruga e kombit
• taksa per rrugen e kombit
• protesta ne rrugen e kombit

Sondazhi i ditës:

Sa i përhapur është korrupsioni në Shqipëri?

• Shumë

  84.7%

• Pak

  9%

• Nuk e di

  6.3%

Vota total: 3124

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di