Sekretari i PD-së: 'Zgjedhore' vetëm me ndërkombëtarët! U riorganizuam, protesta pas vendimit për negociatat

TIRANE-Sekretari për Çështjet Zgjedhore në Partinë Demokratike, Ivi Kaso i ftuar në emisionin "5 Pyetjet nga Babaramo" në Report Tv deklaroi se opozita i qëndron platformës së saj me kushtet për miratimin e reformës zgjedhore.

"Largimi im nga tryeza e OSBE-së nuk mbarte qëllim të fshehur, por largim normal në përfundim të sesionit të parë. Propozimet tona janë të shumta pasi aspektet që duhet të adresohen janë të shumta. Rekomandimet e OSBE-së përsa i përket zgjedhjeve të fundit janë shumë të rënda.

Si do i bëjë Rama të gjitha vetëm, por kërkohet ngritja e mekanizmave për të një ushtrim të besueshëm. Jemi kundër cdo lloj reforme fasadë. Një pjesë e rekomandimeve nuk kanë nevojë për fare ndërhyje në ligj. Hajde të krijojmë një mekanizëm tjetër të udhëhiqet nga ndërkombëtarë" tha ai.

Por a do të ketë protesta pas vendimit për negociatat? "Patjetër që do të rikthehen protestat shumë shpejt. PD-ja ka qenë në një proces riorganizimi të brendshëm që ka përfunduar, i është lënë kjo periudhë deri në vendosjen për negociatat jo vetëm për të reflektur, por edhe se imazhi i Shqipërisë të mos nxihej" tha ai.

TAG:
• reforma zgjedhore
• 5 pyetjet nga babaramo
• ivi kaso