Ministrja e Arsimit, Sportit dhe Rinisë Besa Shahini mori pjesë në “Takimin XIV Vjetor Ndërkombëtar” të Institutit Alb-Shkenca (IASH) me temë “Kërkimi Shkencor në Hapësirën Mbarëshqiptare dhe Roli i Diasporës Shkencore”, aktivitet 2-ditor i organizuar në bashkëpunim me Fondin Shqiptar për Zhvillimin e Diasporës dhe nën kujdesin e Ministrit të Shtetit për Diasporën.
Aktiviteti mbledh bashkë kërkues shkencorë dhe studiues shqiptarë nga e gjithë bota në një platformë të gjerë, ku paraqiten arritjet më të reja të studimeve të tyre në fushat përkatëse të ekspertizës duke ofruar mundësinë e shkëmbimit shkencor mes studiuesve shqiptarë dhe atyre në Diasporë dhe krijimin e një ambienti të favorshëm për forcimin e marrëdhënieve midis institucioneve akademike shqiptare dhe atyre të huaja.
Në fjalën e saj përshëndetëse, Ministrja Shahini ka shprehur besimin se mënyra e vetme për të zhvilluar shtetet e vogla si Shqipëria, Kosova, Maqedonia e Veriut dhe gjithë Ballkani Perëndimor është duke kombinuar dijen dhe eksperiencën e pjesëtarëve të diasporës dhe me punën e përkushtimin e institucioneve arsimore në Shqipëri.
Gjithashtu ajo ka nënvizuar faktin rreth 20 pjesëtarë të kabinetit të ministrisë dhe administratës kanë studiuar dhe punuar në vende të ndryshme të BE dhe janë kthyer që të japin kontributin e tyre në Shqipëri, prandaj dhe migrimi i rregullt nuk mund të shihet si tragjedi kombëtare.
“Siç e dini, e mbyllëm vitin 2018-të me një protestë të studentëve. Ata me të drejtë kërkuan kushte më të mira nëpër universitete, kërkuan tarifa më të ulëta, por në thelb kërkesa e studentëve ishte kërkesë e një gjenerate të tërë që nuk është vetëm në Shqipëri, por edhe përtej saj. Kjo gjeneratë e mijëvjeçarit nuk e di se çfarë do t’iu sjellë e ardhmja, për sa i përket zhvillimit ekonomik, punësimit të tyre dhe sfida që vjen nga kjo për politikë-bërësit është se si t’i përgatisin këta të rinj për një të ardhme të pasigurt”- është shprehur Shahini.
Ajo ka përmendur disa nisma konkrete, ndër të cilat është biblioteka digjitale, e cila për herë të parë është vënë në përdorim për të gjithë studentët dhe kërkuesit shkencorë në Shqipëri.
“Kemi ndarë për herë të parë një buxhet më serioz për infrastrukturën kërkimore, për universitetet publike. Janë rreth 2 milionë Euro që kemi shpërndarë për të gjitha universitetet publike në bazë të projekteve që ata kanë sjellë”- tha Shahini.
Ajo ka nënvizuar edhe rëndësinë e themelimit të një grupi konsulentësh pranë agjencisë së Kërkimit Shkencor dhe Inovacionit që do të ndihmonte në përthithjen e më shumë fondeve të BE-së në dobi të Shqipërisë.
Angazhimi i Diasporës shkencore dhe profesionistëve të kualifikuar është potencialisht i rëndësishëm pasi kontribuon në mënyrë të drejtpërdrejtë në rritjen dhe zhvillimin e sektorëve prioritarë të Shqipërisë në lehtësimin e procesit të integrimit të saj në Bashkimin Evropian dhe në kapacitetin përthithës të fondeve të alokuara nga BE.
Lajme të tjera
-
Ish-ministrja e Arsimit Besa Shahini bëhet nënë për herë të parë
2 Prill 2022, 11:39 -
Ish-ministrja e Arsimit: Në Universitetet publike ka rektorë që kanë marrë titujt akademik me plagjiaturë, sëmundje që ka kalbur sistemin e arsimit të lartë
13 Shtator 2021, 16:41 -
Protestë kundër konferencës së kryetares së Gjykatës Speciale! Arrestohet kreu i PSD në Kosovë, fotot teksa prangoset në tokë i gjakosur! Lihet i lirë pas disa orësh
7 Shtator 2021, 11:28 -
FOTO/ I shtrirë në tokë i gjakosur, arrestohet kreu i PSD-së në Kosovë, bashkëshorti i ish ministres Besa Shahini
7 Shtator 2021, 11:19 -
U arrestua nga policia sepse shkroi mbi makinat e zyrtarëve 'zhvatës', lirohet nga qelia burri ish-ministres Besa Shahini
18 Korrik 2021, 08:05 -
Shkruan mbi makinat e zyrtarëve të qeverisë ‘Zhvatës’, 8 të arrestuar, mes tyre kreu i PSD Dardan Molliqaj, burri i ish-ministres Besa Shahini
16 Korrik 2021, 14:17 -
Besa Sahini kritikon Kurtin: E nisi mandatin si kryeministër duke bërë opozitë në Shqipëri! Lajmi më i mirë i zgjedhjeve, ndëshkimi që i dhanë votuesit LSI
27 Prill 2021, 15:06 -
Ish-ministrja e Arsimit Besa Shahini: Do të shkoj në Tiranë për të votuar PS, vazhdon të jetë opsioni më i mirë për Shqipërinë
23 Prill 2021, 12:25 -
Arrestohet me forcë Dardan Molliqaj, kryetari i PSD-së në Kosovë dhe bashkëshorti i ish-ministres së arsimit Besa Shahini (VIDEO)
12 Janar 2021, 14:02 -
Rikthimi tek qeveria politike
29 Dhjetor 2020, 18:09 -
Padia e Besa Shahinit për Këlliçin, PD: Pasi s'u shfaq në 3 seanca rradhazi, Gjykata vendosi pushimin e çështjes ndaj kreut te FRPD për shpifje
12 Tetor 2020, 16:56 -
Presidenti Meta dekreton ministren e re të Arsimit/ Evis Kushi u emërua nga Rama ditën e parë të shkollës
17 Shtator 2020, 14:57
