Pas pezullimit dhe shkarkimit të disa punonjësve të Policisë së Shtetit në lidhje me masat e marra për parandalimin dhe goditjen e kultivimit të kanabisit ka reaguar ish-ministri i Drejtësisë, Ylli Manjani.
 
I njohur tashmë për kritikat ndaj qeverisë dhe veçanërisht ndaj punës së Ministrisë së Brendshme, Manjani shprehet se pezullimi dhe shkarkimi i punonjësve konfirmon nga vetë policia se paska në radhët e saj kultivues e trafikantë.
 
"Konfirmohet zyrtarisht nga vetë Policia, se paska në radhët e saj kultivues e trafikantë hashashi! Ky është dhe fundi i Policisë që deshën!" shkruan ai në faqen e tij.
 
Furtunën në policinë e Lezhës dhe Laçit e shkaktoi gjetja e 513 rrënjëve kanabis të sapo mbjella në një parcelë në fshatin Godull në qarkun e Kurbunit.


dy.b/shqiptarja.com