POP 5

Lajmet më të lexuara të 5 minutave të fundit

Opinion

Shoqata Atdhetare "Avni Rustemi" nderon Kristo Mërtirin, gazetarin që penën ia dedikoi Jugut, por jo vetëm

Kristo Mërtiri, një nga gazetarët profesionist që mbi 40 vjet me radhë nuk rreshti së shkruari për Jugun, veçanërisht i përkushtuar për Përmetin e përmetarët, është nderuar nga Shoqata Atdhetare Kulturore "Avni Rustemi".

Shoqata Atdhetare

Gazetari Kristo Mërtiri

Kristo Mërtiri, një nga gazetarët profesionist që mbi 40 vjet me radhë nuk rreshti së shkruari për Jugun, veçanërisht i përkushtuar për Përmetin e përmetarët, është nderuar nga Shoqata Atdhetare Kulturore "Avni Rustemi". 

Nipi i Heroit të Popullit, drejtuesi i shoqatës Ajaz Rustemi, i ka dhënë personalisht Çertifikatë Mirënjohje gazetarit dhe intelektualit Kristo Mërtiri, me motivacion, si "Dashamirës i shoqatës "Avni Rustemi" dhe kontribuues me shkrimet për figurën e heroit kombëtar Avni Rustemi". 

Në një ceremoni të zhvilluar ditën e shtunë në Tiranë, me rastin e 20 vjetorit të botimit të numrit të parë të gazetës "LIBOHOVA", Shoqata organizoi një takim të zgjeruar me libohovitë, miq e të ftuar. U ndanë Çertifikata Mirënjohje për disa personalitete, libri i sapobotuar për Libohovën, si dhe u recituan vargje nga bija e këtij qyteti, mësuesja e nderuar e Gjuhës Shqipe dhe Letërsisë, Violeta Bejleri Mita.

Një ngjarje e veçantë dhe me plot biseda e zhvillime, për miq e intelektualë që në dekada e kanë ngritur Jugun, e veçanërisht zonën Tepelenë, Përmet, Gjirokastër e Sarandë. "Pena që shkroi e këndoi në kufijtë e dy shekujve: për jetën, historinë, njerëzit, dashuritë, dhimbjet, gëzimet, zhgënjimet", shkruante kohë më parë gazetari Engjëll Serjani, për njërin prej këtyre personaliteteve, Kristo Mërtirin. 

Takimin e çeli drejtori i gazetës Pëllumb Kumbaro, ndërsa Bexhet Çobani foli për historikun e saj dhe ndau falas librin voluminoz për Libohovën. Kryetari i Shoqatës, njëherësh nip i Heroit e të paharruarit Avni Rustemi, Ajaz Rustemi, mbajti një fjalë të veçantë dhe në fund ndau çertifikata dhe për intelektualët e tjerë: Agim Demi, Osman Buzo, Ëngjëll Fino, Bexhet Çobani, Nevzat Haxhiu, Pirro Koçi, etj.

Për t'u ndalur te Kristo Mërtiri, tre vite më parë ai është shpallur "Qytetar Nderi" i Përmetit, duke u "shenjtëruar" jo vetëm në kujtesën e përmetarëve, por dhe të gjirokastritëve, tepelenasve, delvinjotëve e sarandjotëve; komunitete për të cilat shkroi me aq dashuri për mbi 40 vjet. 

“Kush këndon, tremb mjerimin e dëshpërimin. Por edhe ai që loton, largon nga vetja hallet e jetës dhe gëzon!” Kjo ka qenë filozofia e shkrimeve të profesor Mërtirit, siç më pëlqen ta quaj unë, por dhe mendoj se e meriton plotësisht këtë titull sepse është një intelektual dhe shembull i gjallë i gazetarisë profesioniste, krijimtarisë së spikatur dhe qindra e mijëra shkrimeve plot jetë. 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ajaz Rustemi: 20/12/2022 19:02

    Gazetarii mirenjohur profesionist Zoti Kristo Mertiri eshte bere figure e njohur per shkrimet e tija te pastra e dinjitoze . Ne patem fatin ta kemi te ftuarin e veçante ne takimin e organizuar me rastin e 20 vjetorit te Gazetes “ Libohova “ ketu ne Tirane Fjalet e tija ne kete takim u priten me kenaqesi dhe u vlersuan per shpirtin e tij atdhedashes per korektesen e veçante ne mbrojtje te figurave historike kombetare. Me shkrimet e tija ai kontribon me te verteten e padiskutueshme Siç e tregoj dhe me shkrimin e fundit ne mbrojtje te heroit Avni Rustemi ku me fakte te verteta hodhi poshte shpifjet ndaj djalit te Libohoves heroit te kombit Avni Rustemi . Shkrimi i tij na gezoj pa mase se ishte shkrime i drejtperdrejte ne momentin e duhur qe i doli ne mbrojtje heroit tone Per kete kontribut qe ai jepe ne mbrojtje te figures se kombit Avni Rustemi shoqata e nderoj me Çertifikate Mirenjohese dhene ne kete takim Respekte ketij gazetari te shquar ku me punen e tij te paster gezon mirenjohjen tone

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça