Skaner tabulateve Tahirit dhe
Habilajve nga 2013 deri 2015-në

Skaner tabulateve Tahirit dhe<br />Habilajve nga 2013 deri 2015-në<br>
Teksa kanë administruar në dosje dëshminë e ish-ministrit të Brendshëm Saimir Tahiri, prokurorët e Krimeve të Rënda po verifikojnë të gjitha tabulatet telefonike te Tahirit dhe te vllezërve Habilaj. Koha kur prokuroria është përqëndruar për të kontrolluar tabulatet varion nga viti 2013 deri në vitin 2015. Sipas burimeve të prokurorisë kjo është periudha kur Tahiri mund te kete pasur komunikime me vllezërit Habilaj.

Ndërkohë pas publikimit në media të miqësisë Habilaj-Tahiri dhe pretendimeve të Dritan Zaganit, se makina e ish-ministrit përdorej nga një grup kriminal në Vlorë,sipas prokurorise komunikimet telefonike mes tyre janë ndërprerë. Natyrisht vetem tabulatet tani mund te konfirmojne apo pergenjeshtrojne kete hipoteze hetimore. 

Dy orë e 30 minuta dëshmi në prokurori
Ish-ministri i Brendshëm Saimir Tahiri ka dëshmuar për dy orë e 30 minuta në ambjentet e Prokurorisë së Krimeve të Rënda për dosjen "Habilaj", një ditë pasi kërkoi nga organi i akuzës që të pyetej. Tahiri është pyetur këtë të premte nga dy prokurorët Vladimir Mara dhe Dritan Premçi. Ish-ministri ka qenë i shoqëruar nga avokatët e tij, Maks Haxhia dhe Artan Hajdari. Pas dëshmisë përpara Krimeve të Rënda, Tahiri ka folur për mediat duke deklaruar se është i gatshëm të hetohet deri në fund.

Ai kërkoi nga politika që t'i japë fund akuzave në adresë të tij, duke theksuar se tashmë ai e ka betejën me drejtësinë. "Jam i gatshëm t'i shkoj të vërtetës deri në fund dhe jam disponibël t'i përgjigjem për çdo kërkesë Prokurorisë"-u shpreh Tahiri. Ai kërkoi nga politika që të ndalë akuzat në adresë të tij, pasi çështja tashmë i takon drejtësisë. "Unë them se debati politik për këtë histori duhet të mbyllet, unë betejën time e kam përpara drejtësisë"-tha Tahiri.

“Nuk përgjigjem për kontrollin”
Dëshmia e Tahirit përpara drejtësisë vjen një ditë pas kontrollit të oficerëve të Policisë Gjyqësore në banesën e tij te Kodra e Diellit. I pyetur se çfarë kishte sekuestruar në banesën e tij, prokuroria, Tahiri nuk ka kthyer përgjigje. “Nuk mund të ndaj me ju dhe as me opinion publik se çfarë pune bën prokuroria dhe çfarë sekuestron prokuroria në shtëpinë time”-tha Tahiri.

Një ditë më parë ishte vetë ish-ministri që ka kërkuar nga prokuroria përmes një shkrese që të pyetet për akuzat që ka ngritur ndaj tij. Deputeti Saimir Tahiri akuzohet për përfshirje në trafikun ndërkombëtar të lëndëve narkotike të drejtuar nga Habilajt, akuzë për të cilën Prokuroria e Krimeve të Rënda kërkoi dhënien e autorizimit nga Kuvendi për arrestimin e tij, e cila u rrëzua.

Habilajt të afërt me ministrin Tahiri
Grupi i Moisi Habilajt ka qënë aktiv që në periudhën kur vendi drejtohej nga ish-kryeministri Sali Berisha. Habilajt që para vitit 2013, kanë trafikuar drogë në Itali, dhe se linjat dhe tregun e drogës nuk e kanë fituar gjatë kohës kur në pushtet kanë ardhur socialistët në shtator të 2013. Por gjatë kësaj kohe ky grup ka marrë revansh të madh, për shkak të mbështjes që policia e Vlorës dhe Fierit i bënte këtij grupi. Krerët e këtij grupi Habilajt, bien kushërinj të largët me ish-ministrin e Brendshëm Saimir Tahiri dhe në vitin 2013, Moisi Habilaj, ka blerë makinën tip “Audi” të Tahirit dhe nuk i ka ndryshuar pronësinë këtij automjeti.

Redaksia Online
D.T/Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!