TIRANE- Ishte 10 shkurti i vitit 2022 kur Lulzim Basha deklaroi se do të votonte zgjatjen e afatit të organeve të Vettingut, duke marrë në këmbim ngritjen e 2 komisioneve, një prej të cilëve Komisioni i Posaçëm i Reformës Zgjedhore, me të cilin Partia Demokratike e dalë humbëse nga zgjedhjet e fundit parlamentare synonte të garantonte një herë e mirë sipas saj rregulla të barabarta në garën elektorale.
Prej këtij momenti, nisi një rrugë e gjatë, por pa fryt e një komisioni, më jetëgjati në parlament, por që nuk prodhoi asnjë produkt: nuk adresoi rekomandimet e OSBE/ODIHR, as vendimet e Gjykatës Kushtetuese, por as kërkesat që Partia Demokratike, nga të gjitha palët e saj, i kishte kauza të forta politike përgjatë 2 viteve.
Se ishte i destinuar të dështonte, ky Komision sinjalet i dha që në fillim të rrugës së tij 2 vjeçare. Pavarësisht se Lulzim Basha mori dakordësinë në shkurt të vitit 2022 për ngritjen e Komisionit të Posaçëm Parlamentar për Reformën Zgjedhore, përbërja e komisionit u mësua vetëm në Qershor të 2022, kur në fund të një seancë të gjatë me 10 orë diskutime, u votua.
Përballë Damian Gjiknurit të PS, Lulzim Basha i kishte besuar bashkëkryetarin e opozitës Enkelejd Alibeajt, ndërsa një vend të vetëm i kishte lënë në këtë komision grupit të Rithemelimit, me emrin e Oerd Bylybashit.
Mbledhja e parë e Komisionit të Reformës Zgjedhore u bë vetëm një javë më pas, ku as përfaqësuesi i Rithemelimit, nuk mungoi.
Kjo mbledhje u pasua nga disa të tjera me diskutime të përgjithshme, deri në dhjetor të 2022, kur papritur reforma ngeci.
E vetmja gjë që e mbajti në jetë reformën, ishte zgjatja me disa herë e afatit të tij në Kuvend.
Përgjatë kësaj kohe, demokratët u përqendruan te beteja e brendshme dhe as socialistët se shprehën kurrë shqetësimin se Reforma kishte ngecur, deri në tetor të vitit 2023 kur Gazment Bardhi, tashmë i larguar nga Lulzim Basha dhe i rreshtuar krah deputetëve të Rithemelimit me pjesën më të madhe të grupit parlamentar nga pas kërkoi zëvendësimin e Enkelejd Alibeajt me Oerd Bylykbashin.
Kërkesa e tij nuk u pranua asnjëherë, por përballë presionit të kohës, Komisioni u vu në lëvizje dhe në janar rinisi punën.
Rithemelimi dhe Gazment Bardhi, në aksion për të mos lejuar zhvillimin normal të parlamentit, nuk lejuan asnjë nga mbledhjet të zhvilloheshin në sallë.
Për gati një muaj, Gjiknuri dhe Alibeaj zhvilluan disa dëgjesa online, por pa arritur të finalizojnë një produkt, me të vetmet propozime, të draftuara në formë projekt-ligji që PD i kishte të panegociuara, listat e hapura, votën e diasporës, votim e numërim elektronik në të gjithë vendin si dhe Shqipërinë një zonë zgjedhore.
Përse Komisioni dështoi, të gjitha palët kanë vetëm një përgjigje, akuzën për pazar.
Në ditën e fundit të ekzistencës së këtij komisioni, akuza të ashpra hodhën në drejtim të njëra tjetrës në foltoren e Kuvendit, të enjten në seancën e parë të normalitetit.
Basha-Alibeaj e shohin dështimin te flirti i ri, që PS ka nisur me Rithemelimin.
Tashmë e vetmja mundësi për rishikimin e Kodit Zgjedhor është mekanizmi i ngritur nga PS-Rithemelimi në Komisionin e Ligjeve, ku Lulzim Basha vendin e tij bosh e ka refuzuar
17 qershor 2022
6 shtator 2022
3 tetor 2022
31 tetor 2022
16 dhjetor 2022
26 janar 2024
9 shkurt 2024
14 shkurt 2024
20 shkurt 2024
27 shkurt 2024
29 shkurt 2024
7 mars 2024, për të njoftuar mbërritjen e ekspertëve të OSBE/ODIHR
Lajme të tjera
-
Padia e dytë në Kushtetuese për listat e mbyllura, Shabani: Rama e Berisha bashkë për të kthyer sistemin e 2008-s
16 Shtator, 11:37 -
‘Zgjedhorja’/ Ku kanë ngecur palët politike? Sfidë depolitizimi i administratës zgjedhore! Financimi i partive e shitblerja e votave kërkojnë adresim
13 Gusht, 22:12
-
Begaj dekreton ndryshimet në Kodin Zgjedhor: Fryt i marrëveshjes pozitë-opozitë, vota e diasporës historike! Lista e mbyllur? Nuk është tagri im
30 Korrik, 14:12 -
Mero Baze: Përse Berisha dhe Rama nuk kanë të njëjtin hall me sistemin
28 Korrik, 08:39
-
Spartak Ngjela: Turp historik! Nuk lejojnë votim të lirë, e nuk dinë të bëjnë asgjë tjetër veçse të rrinë në pushtet për privilegje
28 Korrik, 07:55
-
Politika s’ka moral, por kjo jona s’ka edhe logjikë
27 Korrik, 22:36
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55 -
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09
-
Ndryshimet në Kodin Zgjedhor, Begaj refuzon futjen menjëherë në fuqi: Ligji do kalojë procedurat normale të dekretimit
27 Korrik, 20:28 -
Preç Zogaj: Reforma e bunkerizmit të kastës plurale solidare përballë drejtësisë dhe SHBA
27 Korrik, 20:07
-
Alibeaj kërkesë Presidentit Begaj: Mos dekreto ndryshimet në Kodin Zgjedhor, me listën e mbyllur do zgjidhen deputetë të privilegjuarit e kryetarëve
27 Korrik, 17:45
