Tani që Zaev iku çfarë do të ndodhë me 'Open Balkan'? Rama dhe Vuçiç takohen në Skoci, ende nuk dihet fati i Samitit të Beogradit! Në takim edhe Pendarovski

SKOCI-Në datat 3 dhe 4 ishte parashikuar që në Beograd të zhvillohej takimi i radhës mes tre vendeve që kanë firmosur për iniciativë të 'Open Balkan'. Por zhvillimet pas zgjedhjeve lokale në Maqedoninë e Veriut, me dorëheqjen e Kryeministrit Zaev, e ka vënë në pikëpyetje këtë takim. Presidenti serb, Aleksandër Vuçiç, dhe kryeministri Rama janë takuar në Skoci ku po marrin pjesë në mbledhjen e OKB për Klimën.

Teksa kanë rikonfirmuar mbështetje të fortë për 'Open Balkan', Vuçiç, Rama dhe presidenti i Maqedonisë Pendarovski kanë diskutuar se çdo të bëhet me takimin në Beograd . Ende nuk ka informacione se çfarë vendimi është marrë.

Kujtojmë se pas mbajtjes ditën e djeshme të raundit të dytë të zgjedhjeve lokale në Maqedoninë e Veriut, Zoran Zaev, partia e të cilit pësoi një humbje turpëruese, u dorëhoq. Ai mori përgjegjësinë për këtë humbje, por tha se LSDM do të vazhdojë të qeverisë vendin, duke nënkuptuar se angazhimi e premtimet e bëra edhe në kuadër të “Ballkanit të Hapur” do të mbeten.

LEXO EDHE:
Alibeaj në Report Tv: Berisha ka mbetur me mjeranë, bashkë me Ramën kundër SPAK! I hap ‘derën’ Bashës për koalicion

Në kuadër të projektit ambicioz për të gjithë rajonin, që Ballkani më në fund të lërë prapa krahëve shekujt ndasi, 'Open Balkan', Kryeministri  Rama, presidenti i Serbisë, Aleksandër Vuçiç dhe kryeministri i Maqedonisë së Veriut, Zoran Zaev, më 29 korrikun e kaluar, nënshkruan një deklaratë të përbashkët, e cila bazohet në 4 liritë e mëdha të bashkëpunimit në botën perëndimore: liria lëvizjes së mallrave, kapitalit, njerëzve dhe shërbimeve.

Memorandumi do të mbetet në fuqi për një kohë të pacaktuar, ndërsa që në paragrafin e parë theksohet se 3 nismëtarët, do të mbajnë të hapur ftesën për homologët e tyre të Kosovës, Malit të Zi dhe Bosnjës e Hercegovinës, që të bëhen pjesë të 'Open Balkan', për të përmirësuar jetën e të gjithë qytetarëve të rajonit.

Nisma për bashkëpunim rajonal u përkrahën edhe nga Shtetet e Bashkuara të Amerikës, BE dhe Gjermania e cila doli në një deklaratë ku kërkoi me urgjencë që të nënshkruhet marrëveshja për Tregun e Përbashkët Rajonal para Samitit BE-Ballkan në 6 tetor.

Ndërsa SHBA u bëri thirrje udhëheqësve në rajon të reduktonin pengesave tregtare dhe të ndërtonin ekonomiv të integruara. Edhe zëdhënësja e Komisionit Evropian për Fqinjësi dhe Zgjerim, Ana Pisonero në një intervistë ekskluzive për Report Tv, u shpreh se Bashkimi Evropian mbështet nismën "Ballkani i Hapur" dhe shpresojnë arritjen e dakordësisë edhe me tre vendet e tjera, të cilat ende nuk i janë bashkuar nismës, pasi në këtë mënyrë vendet e rajonit do të jenë më afër BE.

Megjithatë kësaj nisme s’po i bashkohet Kosova, Mali i Zi dhe Bosnja e Hercegovina. Qeveria e Kosovës, e udhëhequr nga Albin Kurti, mendon se iniciativa e “mini-Shengenit” është nismë pa vizion për rajonin.

TAG:
• edi rama
• aleksander vucic
• zoran zaev
• Skoci
• Maqedoni e Veriut
• ballkani i hapur

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.8%

Vota total: 1552

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq