TAP transporton sasinë e parë të gazit natyror prej 10 mld metër kub në Europë

TAP transporton sasinë e parë të gazit natyror prej 10 mld metër kub në Europë

Gazsjellësi Trans Adriatik, (TAP AG) njofton se një sasi prej 10 miliardë metër kub (bcm) gaz natyror nga Azerbajxhani ka hyrë tashmë në Europë, nëpërmjet pikës së interkonjeksionit në Kipoi, në kufirin Greqi-Turqi, aty ku TAP bashkohet me Gazsjellësin Trans Anatolian (TANAP).

Nga sasia 10 miliardë metër kub, rreth 8.5 miliardë metër kub janë dërguar në Itali.

“10 miliardë metër kub (bcm) është një arritje simbolike, por shumë e rëndësishme. Pak më shumë se një viti nga fillimi i aktivitetit tregtar, kemi ofruar shërbim efikas, të vazhdueshëm dhe të besueshëm për transportuesit tanë, duke dhënë një kontribut të rëndësishëm për sigurinë dhe diversifikimin e burimeve të energjisë në Europë. Aktualisht kemi mundësinë të arrijmë kapacitetin e plotë të transportit prej 10 miliardë metër kub në vit. Për më tepër, mund të shtojmë më tej kapacitet nëpërmjet ankandeve me afat të shkurtër”, tha Luca Schieppati, Drejtori Menaxherial i TAP-it.

Transporti i sasisë së parë të gazit natyror prej 10 miliardë metër kub (bcm) në Europë, rrit likuiditetin në tregjet e gazit dhe përforcon rolin e TAP si një transportues i besueshëm që mund të japë një kontribut të rëndësishëm për sigurinë e energjisë në Europë. TAP mund të dyfishojë kapacitetin duke u zgjeruar në disa faza, deri në 20 miliardë metër kub brenda 45-65 muajve, në bazë të kërkesave që do të marrim gjatë fazës detyruese të testimit të tregut dhe nëse kërkesat e akumuluara do të dëshmojnë një rezultat ekonomikisht të realizueshëm.

Faza e ardhshme detyruese e testimit të tregut është programuar në korrik 2023. Megjithatë, TAP mund të përshpejtojë afatet dhe të nisë fazën detyruese të testimit të tregut gjatë vitit 2022, nëse gjatë konsultimit publik që TAP po zhvillon, shprehet interes për të filluar më shpejt. Ne ftojmë të gjithë palët e interesuara të marrin pjesë në testimin e tregut që po zhvillohet”, shtoi Marija Savova, Drejtore Komerciale e TAP-it.

Rreth Gazsjellësit Trans Adriatik (TAP)
TAP transporton gaz natyror nga fusha gjigande e Shah Deniz-it në sektorin azerbajxhanas të detit Kaspik për në Europë. Gazsjellësi, i gjatë afërsisht 878 km, lidhet me Gazsjellësin Trans Anatolian (TANAP) pranë kufirit turko-grek në Kipoi, përshkon Greqinë, Shqipërinë dhe detin Adriatik, përpara se të mbërrijë në brigjet e Italisë jugore.

TAP-i do të lehtësojë furnizimin me gaz të vendeve të Europës Juglindore përmes interkonektorëve të ardhshëm. Në veçanti, Bullgaria do të jetë në gjendje të mbulojë deri në 33% të kërkesës së saj totale për gaz përmes gazsjellësit TAP, pas përfundimit të interkonektorit Greqi Bullgari (IGB). Pikat e daljes së TAP-it në Greqi dhe Shqipëri, bashkë me daljen në tokë në Itali, ofrojnë mundësi të shumta për transportin e gazit nga Azerbajxhani drejt tregjeve më të mëdha evropiane.

Si një pjesë kyçe e Korridorit Jugor të Gazit, TAP-i është i rëndësishëm për Europën, si nga pikëpamja strategjike, ashtu edhe ekonomike, si dhe thelbësor në ofrimin e aksesit të sigurtë në një burim të ri gazi natyror. TAP-i luan një rol të rëndësishëm në forcimin e sigurisë së sektorit energjetik në Europë, diversifikimin e rezervave energjetike, si edhe objektivat e dekarbonizimit./Monitor

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

'Atavizëm i së kaluarës', Mesila Doda për ligjin e luftës të Greqisë: Kujton luftën e padrejtë me trauma! Ka sjellë mohimin e pronave të shqiptarëve

'Atavizëm i së kaluarës', Mesila Doda për ligjin e luftës të Greqisë: Kujton luftën e padrejtë me trauma! Ka sjellë mohimin e pronave të shqiptarëve