Të vendosura nga grupe kriminale për të vëzhguar policinë, sekuestrohen 20 kamera 'spiune' në Fier dhe Lushnjë, 5 persona nën hetim (VIDEO)

Policia e Fierit ka çmontuar dhe sekuestruar 20 kamera sigurie në Fier dhe Lushnjë të vendosura nga grupe kriminale në kundërshtim me ligjin me qëllim vëzhgimin e efektivëve të policisë.

Nga këto kamera ‘spiune’, 5 prej tyre ishin vendosur në qytetin e Fierit dhe 15 të tjera në qytetin e Lushnjës. 5 persona janë vënë nën hetim për kamerat e sekuestruara.

Në Fier, 5 kamera sigurie u çmontuan në lagjet “8 shkurti” dhe “Liri” dhe u vunë nën hetim dy persona, A.B dhe K.K.

Ndërsa në Lushnjë u çmontuan dhe sekuestruan 15 kamera sigurie të vendosura në lagjet "18 Tetori" dhe "Loni Dhamo", për të cilat u vunë nën hetim tre persona, K. T.,  S. T. dhe K. A.

Deri tani, në kuadër të operacionit ‘Fije’,  policia ka çmontuar 181 kamera në 5 qarqe, më konkretisht 59 në Shkodër, 47 në Durrës, 16 në Vlorë  39 në Korçë dhe së fundmi 20 në Fier. Kamerat ishin të instaluara në shtylla elektrike, në zona që konsiderohen si shumë të frekuentuara nga qytetarët. Të gjitha kamerat e çmontuara dyshohet të jenë të lidhura me aparate celulare dhe komandimi i tyre të bëhet përmes internetit, edhe nga jashtë shtetit, dyshohet në Gjermani.

Këto kamera ishin “sytë” e njerëzve të krimit për të monitoruar lëvizjet e policisë. Operacioni nisi fillimisht në kryeqendrën e veriut, Shkodër, ku kamerat ishin vendosur në lagjet e fiseve Lici dhe Bajri. Po ashtu edhe në Shijak ishin vendosur nga anëtarë të bandës së Avdyljave dhe konkretisht u vunë në hetim Albert Muharremin vëllai i Rrumit të Shijakut, Xhulio Vora, Astrit Balliu (Avdyli), Jasin Kala (Avdyli), Altin Avdyli dhe Sajmir Gjepali. 

B.V/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lal dylberi: 29/01/2023 23:43

    Po kamerat e lal Qazes,lal Kamerit,lal Suelit,lal Ardianit,lal Talos kur do I hiqni ker bab apo jan cunat e partis?

    Përgjigju
  • Iris: 29/01/2023 23:38

    /TIRONA/,pjesa e dyte e komentit tuaj eshte shume interesante.Policia duhet te kontrolloje per kamera te paligjshme dhe portet,apo bizneset nga vjen mall nga zona droge si Amerika latine,jo vetem rruget.

    Përgjigju
  • Trimi: 29/01/2023 23:13

    Pse duhet te cmontohen kamerat........,,,!,,,,,gabim shum i madhe , Shtetezohen te gjitha kudo,dhe vihen ne sherbim te Policis e keshtu ne sherbim mbrojtes te qytetarit. Cmontim Sot....do te thot te mbyllim njerein sy ndaj krimit.

    Përgjigju
  • Erald: 29/01/2023 15:54

    Ruhen nga permbaruesit shoket e vet se sa per policine nuk e .... fare.

    Përgjigju
  • Tirona: 29/01/2023 13:13

    Edhe dicka tjeter. Po krimi po ashtu mund te perdori kamera te instaluara ne nje biznes te ligjshem. Gjoja per siguri po per qellimin e monitorimit te grupeve rivale dhe policise. Pra ne vetvete kjo heqja e kamerave eshte pa ndonje rezultat domethenes. Policia duhet te gjej kush po I perdor keto kamera. Heqja eshte kollaj ne fund te fundit.

    Përgjigju
  • Tirona: 29/01/2023 13:07

    Syte e krimit dakort. Po a eshte ndaluar njeri valle? Lajm I bujshem pa pike rrezultati. Se kush grup, se qysh, se tek nuk thuhet fare. Vetem qe dihet se perdoren nga grupet kriminale dhe kaq. Kete konstatim e di edhe nje femije. Heqja e kamerava mund te behet edhe nga nje teknik I thjeshte. Po policia ? Po, policia ben edhe konstatimin e thjeshte prej nje femije dhe punen e nje elektricistit. Gje tjeter kjo polici nuk po di te bej. Bravo , kjo po qe eshte goditje e rende ndaj krimit.

    Përgjigju
  • Xoni: 29/01/2023 11:00

    Po ne Tirane sa kamera ka? Nja 300 po njehere po policia nuk I ka pare akoma.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Gazetari Xhunga: Berisha nuk zbret nga kati i 8, Rithemelimi më i izoluar se talebanët

Gazetari Xhunga: Berisha nuk zbret nga kati i 8, Rithemelimi më i izoluar se talebanët