TIRANE - Aktorët e Teatrit Kombëtar kundërshtojnë projektin e qeverisë për Teatrin e ri. Aktori i madh Robert Ndrenika u shpreh gjatë një bashkëbisedimi me artistët të zhvilluar në ambientet e Teatrit Kombëtar, se maketi i prezantuar një javë më parë ishte si lojë fëmijësh.
Ndrenika u shpreh gjithashtu kundër Partneritetit-Publik-Privat për ndërtimin e Teatrit të ri, pasi sipas tij kjo formulë është në interes të privatit dhe jo aktorëve. "Ai maketi mu duk si lojë kalamajsh. Partneriteti Publik-Privat është në interes të privatit, jo në interes të teatrit apo aktorëve, por për të fituar privati", u shpreh Ndrenika i cili e nisi fjalën me një ironi duke iu referuar takimit të javës së kaluar me kryeministrin Rama: "Punojnë mikrofonat? Se atje te kryeministri mi hoqën", tha Ndrenika.
Ndërkohë, Arben Derhemi tha se një projekt i realizuar nga regjisori dhe karikaturisti Bujar Kapexhiu është më ambicioz dhe i pranueshëm nga artistët. "U prezantua projekti nga danezi, ne sjellim projektin e shqiptarit (Kapexhiut)", tha aktori Arben Derhemi.
Vetë Kapexhiu u shpreh për Report TV se projekti i ideuar prej tij ka parullën "ndërto një, ruaj dy". Megjithatë ai thekson se ky projekt nuk është përfundimtar edhe nga ana arkitekturore por një ide që tregon se nuk është shumë e vështirë për të krijuar një projekt. Ai shton se është nevoja për një konkurs kombëtar projektesh.
Çdo të hënë në orën 6, si sot artistët do të mblidhen për të kundërshtuar projektin e ri të Teatrit Kombëtar. Projekti i prezantuar një javë më parë nga arkitekti danez në Kryeministri është i papranueshëm për aktorët e Teatrit Kombëtar. Aktorët janë bërë sërish bashkë për të kërkuar një projekt të denjë pa partneritetin publik privat.
l.q/Shqiptarja.com
Lajme të tjera
-
VKM/ Shkarkohet drejtoresha e Teatrit të Operas dhe Baletit, Abigeila Voshtina
13 Dhjetor, 19:43 -
Ndahet nga jeta Zoica Haxho, ikona e baletit shqiptar
1 Dhjetor, 10:06 -
Teatri i ri, Veliaj: E ndërtojmë për 100 vitet e ardhshme
2 Nëntor, 15:29 -
Vijojnë punimet për ndërtimin e Teatrit të ri Kombëtar, ja pamjet me dron nga kantieri (VIDEO)
1 Nëntor, 12:02 -
Aktori Robert Ndrenika bëhet stërgjysh, ndan foton e ëmbël me vajzën e sapolindur
3 Tetor, 21:30 -
Veliaj inspekton punimet te Teatri i Ri: Në 30 muaj po bëjmë atë që humbëm në 30 vjet
3 Gusht, 12:55 -
Katër vite nga shembja e Teatrit Kombëtar, Meta: Akt kriminal që ende sot mbetet pa përgjegjës
17 Maj, 12:03 -
‘Biznesmenit’ i bëhet ‘gjyqi’ në Teatër! Gëzim Kame e Viktor Zhusti ‘mbledhin’ në tryezë figura të drejtësisë në pension. Artistët rrëfejnë shfaqjen
29 Mars, 19:34
-
‘Vajza, mbajeni mirë me mamanë e atij!’, Artan Imami tregon mes batutash komedinë çmim ‘Molier’! Në regji me bashkëshorten
12 Shkurt, 17:34
-
Aleanca për Mbrojtjen e Teatrit kallëzon prokurorin Edvin Kondili, Kalaja: 4 vite që nuk hetohet dosja! 46 herë trokasim në SPAK, 0 përgjigje
31 Janar, 11:52 -
Teatri i Ri, Veliaj: Përfundon për 2 vite, do jetë kryefjala e vitit të Kulturës në 2025
22 Janar, 13:51 -
‘Babai i skenës dhe i filmit’, Robert Ndrenika feston 82-vjetorin, kolegët me urime zemre: Artist i papërsëritshëm!
10 Janar, 16:12
