Kryetari i Frymës së Re Demokratike, Bamir Topi, deklaroi të shtunën në mbrëmje se "kjo forcë politike ka një frymë europiane dhe demokratike dhe një program të sajin politik".
Topi mbajti një fjalim me rastin e trevjetorit të themelimit të kësaj partie, ku ngriti disa shqetësime për të rinjtë, duke thënë se "shkollat janë bërë si biznes" dhe se "politika nuk iu jep mundësi të rinjve të ecin përpara".
Ai i ftoi të rinjtë të afrohen sa më shumë me FRD-në, ndërsa e konsideroi rrugën e deritanishme të partisë së tij "të vështirë, por të suksesshme"./atsh/