Tirane- Zbulohen detaje të reja lidhur me arrestimin e shefit të Antidrogës së Durrësit, Gazmir Preçi i arrestuar mbrëmjen e 15 gushtit 2024 pasi akuzohet si pjesë e një skeme gjobëvënieje ndaj pronarit të një klubi nate te Ura e Dajlanit.
Sipas dosjes së SPAK, Gazmir Preçi pronarit i janë kërkuar 20 mijë euro, në të kundërt do i mbyllnin biznesin. Është rënë dakord që në momentin e parë të jepen 10 mijë euro.
SPAK dhe AMP ka qenë në dijeni të momentit kur do të jepej kjo shumë si dhe eurot kanë qenë të regjistruara me numër serie.
![](https://shqiptarja.com/template/img/NO_ALFA_Kuadrate shqiptarja.png)
Në seancën e sotme gjyqësore, Gazmir Preçi ka mbajtur qëndrim mohues.
“Kam shkuar vetëm se më ka kërkuar pronari i biznesit. Nuk e dija se kishte lekë brenda zarfit dhe në momentin e arrestimit kam kërkuar që pakoja të hapet në praninë e avokatit, gjë e cila nuk më është mundësuar.’ ka thënë ai për gjyqtaren e GJKKO-së
Ai ka dhënë një version tjetër të ngjarjes në seancë.
Gazmir Preci ka deklaruar se ka pasur nën hetim pronarin për shkak se dyshohej sipas informacioneve se brenda ambienteve shpërndaheshin lëndë narkotike. Për këtë arsye ka proceduar edhe nipin e pronarit i cili momentalisht ndodhet në burg për lëndë narkotike.
Ndërkohë për sa i takon ngjarjes, Gazmir Preci ka deklaruar se ka pasur nën hetim pronarin për shkak se dyshohej sipas informacioneve se brenda ambienteve shpërndaheshin lëndë narkotike. Për këtë arsye ka proceduar edhe nipin e pronarit i cili momentalisht ndodhet në burg për lëndë narkotike.
Sa i takon momentit të arrestimit ai thotë se pronari i lokalit e ka marrë disa herë në telelfon dhe i ka kërkuar takim. Gazmiri pretendon se ka kërkuar takim në zyrën e tij të punë me pronarin por ai nuk ka pranuar. Dhe kanë lënë të takohen pas pune. Pasi janë takuar në Tiranë ai (pronari) ka shprehur shqetësimin se Policia e ngacmonte shpesh. Ndërsa nga ana e Gazmirit i është thënë të mos kryej aktivitet të paligjshëm që ta lënë rehat. Pasi janë ngritur nga lokali kanë hipur në makinë dhe pasi ka dashur të zbres nga makina sipas pretendimeve të Gazmirit, ai i ka thënë se i ka bërë një zarf dhuratë.
'Të kam taksur një dhuratë!' i ka thënë pronari, sipas dëshmisë së Gazmir Preçit. Ky i fundit nuk e ka pranuar por biznesmeni ia ka futur në xhepin e pasëm ku dhe janë gjetur nga agjentët e AMP-së. Në këtë moment, shefi i antidrogës u ka kërkuar agjentëve të AMP-së të mos e hapin zarfin derisa të kishte në prezencë dhe avokatin e tij.
E gjitha ka qenë nën mbikqyrjen e AMP dhe SPAK, informon gazetarja e Report Tv dhe Shqiptarja.com, Keti Banushi. Si provë për gjykatën janë vendosur dhe pamjet filmike dhe përgjimi Ambiental.
Dosja e SPAK po hetohet nga prokurorja Enkelejda Millonai, e cila ka kërkuar masën e sigurisë ‘arrest me burg’ për Gazmir Preçin.
Masa e sigurisë
Vetë Preçi ka kërkuar një masë më të butë sigurie pasi është babai i tre fëmijëve. Pasi u tërhoq GJKKO mori vendim për të lënë në fuqi masën e sigurisë 'arrest me burg'
Shuma prej 10 mijë eurosh është sekuestruar bashkë me 2 celularë, nga të cilët pritet të identifikohen punonjësve të tjerë të mundshëm të përfshirë në këtë ngjarje dhe biznese të tjera që në të kaluarën mund të kenë qenë viktimë e presionit të shefit të antidrogës.
Gazmir Preçi me gradë kryekomisar akuzohet për "Shpërdorim detyre" dhe "Korrupsion pasiv”
Ndërkohë në 2021 në kohën kur ka qenë shef krimesh në Mallakastër figuron të ketë qenë në hetim për lejimin e kultivimit të kanabisit në afërsi të Urës së lumit Vjosë, në Poçem të Mallakastrës.
Lajmi ne perditesim...
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)