POP 5

Lajmet më të lexuara të 5 minutave të fundit

Ekonomi

U emërua nga Qeveria, ministri i Financave prezanton kreun e ri të Tatimeve! Malaj: Prioritet përsosja e performancës! Binaj: Luftë evazionit fiskal dhe informalitetit

 Gjatë fjalës së tij, kreu i dikasterit, Petrit Malaj, tha se Administrata Tatimore ka nevojë për një qasje të re menaxheriale, veçanërisht në kuadër të proceseve integruese, teksa kërkoi edhe realizimin e planit në rritjen e të ardhurave. Ilir Binaj vuri theksin tek "angazhimi i shtuar"

U emërua nga Qeveria, ministri i Financave prezanton kreun e ri të Tatimeve! Malaj: Prioritet përsosja e performancës! Binaj: Luftë evazionit fiskal dhe informalitetit

Ministri Petrit Malaj gjatë prezantimit të kreut të ri të Tatimeve, Ilir Binaj

Ministri i Financave, Petrit Malaj, ka prezantuar ditën e sotme (4 Tetor) drejtorin e Përgjithshëm të Tatimeve, Ilir Binaj, i emëruar pas mbledhjes së fundit të Qeverisë, më 2 Tetor.

Gjatë fjalës së tij, kreu i dikasterit tha se Administrata Tatimore ka nevojë për një qasje të re menaxheriale, veçanërisht në kuadër të proceseve integruese.

“Prioritet i punës do të jetë jo vetëm përsosja e performancës, cilësia e shërbimeve ndaj tatimpaguesve, por edhe garantimi i zbatimit me sukses i Strategjisë Afatmesme të të Ardhurave 2024-2027, që do të shërbejë si një udhërrëfyes për miradministrimin fiskal dhe rritjen e të ardhurave”, tha ministri.

Malaj i shprehu dhe mirënjohjen drejtoreshës së Komanduar, Elidjana Çela, e cila do të vijojë tashmë të mbajë detyrën e Drejtoreshës së Tatimpaguesve të Mëdhenj, për “përkushtimin dhe profesionalizmin e treguar gjatë ushtrimit të detyrës”.

Drejtori i ri i Përgjithshëm i Tatimeve, Ilir Binaj, vlerësoi “besimin e dhënë” dhe kërkoi “angazhim të shtuar sa i përket përmirësimit administrativ, luftës kundër evazionit fiskal dhe informalitetit”.

Binaj ka një karrierë të spikatur akademike dhe profesionale në fushën e Kontabiltetit. Ai është anëtar i Institutit Amerikan të Kontabilistit Publik të Certifikuar (AICPA), anëtar i Institutit të Audituesve të Brendshëm (IIA), Kontabilist i Certifikuar Publik (CPA) në Kaliforni, Kontabilist i Certifikuar Global i Menaxhimit (CGMA) në Mbretërinë e Bashkuar dhe Ekspert i Autorizuar i Kontabilitetit (EKR) në Shqipëri.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Organet e drejtësisë refuzojnë komisionin 'Antikorrupsion', si e vlerësoni?

Lajme të tjera



×

Lajmi i fundit

Nëndeklarimi i pagave godet dhe buxhetin, 4.5 mln euro më pak vetëm në 3 muajt e verës

Nëndeklarimi i pagave godet dhe buxhetin, 4.5 mln euro më pak vetëm në 3 muajt e verës

4 Tetor, 14:57 nga Eliza Gjediku