Jemen- Katërmbëdhjetë zjarre ndriçojnë kuvertën e cisternës pa komandant dhe pa më ekuipazh.
Anija greke “Sounion” që transportonte ngarkesë nafte, u godit dhe dëmtua rëndë nga një sulm i rebelëve Houthi në Jemen, në ujërat e Detit të Kuq gjashtë ditë më parë.
Tani ajo po kërcënon të bëhet një nga katastrofat më të këqija mjedisore në historinë e marinës ndërkombëtare. Gjithashtu sepse rimorkiatorët që mund të shuanin flakët dhe ta tërhiqnin atë në portin e parë të sigurt, deri më tani nuk kanë mundur të afrohen, për shkak të rrezikut për të qenë vetë objektiva e raketave dhe dronëve të rebelëve apo milicisë jemenase, shkruan “La Repubblica”.
Anija ka të imbarkuara një milion fuçi naftë me peshë 150,000 tonë, e cila ka filluar të derdhet në det.
“Rreziku është real dhe numërimi mbrapsht ka filluar. Nuk dihet saktësisht se sa kohë do të na duhet për të parë njollën e errët të përhapur rreth formës së anijes së ngarkesave që mban flamurin helen, 274 metra e gjatë, 50 metra e gjerë dhe, për momentin, e ankoruar në thellësitë e detit jugor. Por Bashkimi Evropian tashmë po lëviz për të organizuar një operacion të përbashkët shpëtimi me marinën saudite. Qëllimi është të tërhiqet Sounion në portin e Jeddah, sa më shpejt të jetë e mundur”, shkruan gazeta.
Një operacion që gjeti, mbrëmjen e djeshme (28 Gusht), edhe marrëveshjen e rebelëve Houthis. Sipas OKB-së, ata ranë dakord për një armëpushim të përkohshëm. Ngarkesa ndodhet në zonën jugore të Detit të Kuq, pranë Hodeidah, qyteti port i Jemenit. Flakët shihen nga larg prej gati një jave, në ngushticën e Bab El-Mandeb dhe në Gjiri i Adenit, ku rebelët e kanë kthyer si “fortesë” të tyre.
Edhe Pentagoni është përfshirë në operacion, por përpjekja për të dërguar dy rimorkiatorët dështoi më herët. Sekretari amerikan i Shtetit Anthony Blinken, i telefonoi dje ministrit të Jashtëm italian, Antonio Tajani për të negociuar, duke vlerësuar faktin se Italia ka marrëdhënie të mira diplomatike me sauditët, jemenasit, kinezët dhe aktorë të tjerë rajonalë.
Anija greke “Sounion” operohet nga Delta Tankers, me seli në Athinë. Ajo u sulmua mbrëmjen e 21 gushtit dhe lundronte pa armaturë sigurie. Ekuipazhi është transferuar në Xhibuti dhe është i sigurt.
Lajme të tjera
-
VIDEO/ Transportonte 40 cisterna naftë për ushtrinë ruse, ukrainasit godasin me raketa amerikane trenin
15 Dhjetor, 19:19 -
Nafta derdhet lumë në Kuçovë, por institucionet bëjnë një sy qorr
3 Dhjetor, 22:57 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Rusia thyen sanksionet, i jep Koresë së Veriut 1 mln fuçi me naftë: Pagesë për armët dhe trupat që Pheniani i ka dërguar Moskës
22 Nëntor, 11:35
-
Sulmuan aeroplanmbajtësen ‘Lincoln’, SHBA bombardon bazat e rebelëve Houthi! IDF vijon sulmin në Bejrut, Hezbollah: Kemi vrarë 100 ushtarë izraelitë që nga Tetori
13 Nëntor, 08:38 -
Lufta/ Turqia mohon dërgimin e naftës në Izrael
11 Nëntor, 15:09 -
Kush po e ndot Gjanicën me naftë? Agjencia e Mjedisit monitoron shkarkimet e ‘Albpetrol’ dhe dy kompanive të tjera! Golemi: Shkak industria e vjetëruar
7 Nëntor, 13:28
-
SHBA-ja, bastisje në depon e armëve Houthi në Jemen
17 Tetor, 17:16 -
Ushtria amerikane godet caqet e Huthit në Jemen, 15 sulme ajrore! Shpërthime në porblloqe ushtarake dhe aeroport
4 Tetor, 22:36 -
Ben Blushi: Vetëvrasja e Iranit
4 Tetor, 10:31
-
Sulme masive izraelite në portin bazë të Houthit në Jemen! Të paktën 4 të vdekur
29 Shtator, 20:27 -
Sulmohen dy anije në Detin e Kuq
2 Shtator, 16:00
