Tiranë- Vdekja e 42-vjeçarit Egli Proga pas një sulmi të dhunshëm fizik nga tre persona të tjerë, ka detyruar kryepolicin Muhamet Rrumbullaku të nisë inspektimet e procedurave të kryera nga Policia e Pogradecit, në qarkun e Korçës.
Shkak u bënë lajmet dhe dyshimet e hedhura nga disa media ditën e djeshme, se Policia kishte fshehur krimin e vrasjes dhe mbrojtur autorin e sulmit fatal, që është i afërm i zyrtarëve të lartë vendorë. Më herët policia vendore e kishte mohuar përfshirjen e efektivëve në fshehje të provave, duke specifikuar se menjëherë pas ngjarjes identifikuan dhe ndaluan 29-vjeçarin Denis Meçi, si të dyshuar.
Po sot, drejtori i Përgjithshëm i Policisë së Shtetit, urdhëroi inspektim në Drejtorinë Vendore të Policisë, Korçë, lidhur me ngjarjen në qytetin e Pogradecit.
Ngjarja dyshohet se erdhi si rezultat i përleshjes së dy palëve, teksa autori ka qenë i shoqëruar edhe nga dy persona të tjerë, që gjithashtu po procedohen.
“Bazuar në Rregulloren e Policisë së Shtetit, Drejtori i Përgjithshëm i Policisë së Shtetit, Drejtues Madhor Muhamet Rrumbullaku, urdhëroi Drejtorinë e Standardeve Profesionale për kryerjen e vlerësimit të zbatimit të detyrave të strukturave në Drejtorinë Vendore të Policisë, Korçë, dhe në Komisariatin e Pogradecit, lidhur me ngjarjen ku, pas një konflikti, humbi jetën një 42-vjeçar”, thuhet në njoftimin zyrtar të institucionit blu.
Dhe më tej sqarohet procedura që do të ndiqet:
“Drejtoria e Standardeve Profesionale në Drejtorinë e Përgjithshme të Policisë së Shtetit do të vlerësojë të gjithë tërësinë e veprimeve dhe reagimit të punonjësve të policisë, prej momentit të parë të marrjes së njoftimit mbi ngjarjen, duke synuar nxjerrjen e përgjegjësisë dhe personave përgjegjës, nëse rezultojnë të tillë”, duke siguruar edhe për angazhimin maksimal për zbatimin e ligjit.
Egli Proga u raportua se humbi ditë një ditë më parë (11 Gusht), pasi ishte rrëzuar në rrugë në gjendje të dehur në Pogradec. Por, nga hetimet e kryera rezultoi se ai ishte rrahur për vdekje dhe ka ndërruar më pas jetë në spitalin e Pogradecit.
Autori i ngjarjes dyshohet se është 29-vjeçari Denis Meçi, i cili u largua nga vendi i ngjarjes dhe u kap gjatë ndjekjes nga blutë e Pogradecit. Sherri ka ndodhur në ambientet e jashtme të një prej lokaleve të qytetit dhe të rinjtë besohet se kanë qenë në gjendje të dehur.
Viktima pasi u gjakos hyri për pak në lokal, por më tej doli në rrugë, ku dhe u shemb në asfalt. Autori dyshohet se ka qenë i shoqëruar edhe nga persona të tjera dhe verifikimet janë ende aktive.
Egli Proga, viktima dhe Denis meçi, i dyshuari për krimin
Pogradec- Zbulohen momentet e fundit të 42-vjeçarit Egli Proga, që përfundoi viktimë e një sulmi të dhunshëm në ambientet e jashtme të një lokali në Pogradec, ditën e djeshme (11 Gusht).
“Report TV” dhe “Shqiptarja.com” disponojnë edhe videon ekskluzive të të ndjerit, çastet e fundit para se të dhunohej barbarisht nga i arrestuari Denis Meçi. Në videon e gjatë 1 minutë e 11 sekonda, të shkëputura nga një dyqan fruta-perimesh në Pogradec, pranë vendngjarjes, dallohet në fillim 42-vjeçari që del nga një ambient biznesi, që duket se e zotëronte vetë, teksa përpiqet ta mbyllë me çelës dhe me shumë vështirësi.
Proga dallohet se nuk mban dot ekuilibrin (dyshohet nga gjendja e dehur) dhe pas shumë përpjekjesh arrin ta mbyllë derën dhe nis të ecë i lëkundur në trotuarin e rrugës. Në dorë mban edhe një çantë të vogël, teksa kalon dyqanin dhe aty kamera mbaron vëzhgimin vizual.
Teksa vetëm pak momente më vonë, ai është sulmuar barbarisht dhe u shemb në asfaltin e rrugës. Por edhe pse u dërgua me urgjencë në spital pasi iu dha ndihma e parë në rrugë nga qytetarët, Proga fatkeqësisht ndërroi jetë.
Për ngjarjen kanë nisur verifikimet e procedurave të ndjekura nga Policia e Pogradecit, me urdhër të kryepolicit Muhamet Rrumbullaku, nëse ka pasur shkelje ligjore dhe hetimore paraprake. Motivet e ngjarjes së rëndë mbeten ende të panjohura dhe prokuroria e ka ende në hetim aktiv, ku po mbledh pamje, dëshmi dhe prova të tjera.
Lajme të tjera
-
Digjet prej 6 ditësh Mali i Thatë, bie intensiteti i flakëve! 70 forca po punojnë për shuarjen e zjarrit
12 Gusht, 08:56 -
Pogradec/ Në kërkim prej 4 vitesh për plagosje me armë, vihet në pranga 39 vjeçari (EMRI)
11 Gusht, 18:40 -
Pogradec/ Po lundronin me kanoe në liqen e humbën kontaktet, policia ndihmon babanë me 2 fëmijët e mitur
11 Gusht, 17:10 -
Eduard Zaloshnja: Gjatë ditës në Pogradec, gjatë darkës në 'Dublin'
11 Gusht, 11:59
-
Zbardhet vdekja e 42-vjeçarit në Pogradec, u rrah për vdekje pas një sherri! Arrestohet autori, në pranga 3 të tjerë që s’kallëzuan krimin
11 Gusht, 10:07
-
Prej 5 ditësh zjarr në Malin e Thatë, rrezikohet Parku i Prespës në Korçë! 80 forca në terren, nesër do të ketë ndërhyrje nga ajri
11 Gusht, 09:48 -
Ishte duke prerë dru bashkë me djalin, plagoset aksidentalisht 59-vjeçari
10 Gusht, 23:01 -
Maqedoni e Veriut/ Vatër e madhe zjarri prej 3 ditësh në Malin e Thatë, flakët afër parkut të Prespës, në Korçë! Po punojnë për shuarje edhe 3 helikopter
10 Gusht, 21:45
-
Aksident në aksin Korçë-Pogradec, përplasen 3 makina
10 Gusht, 20:51 -
Ishte dehur dhe rrëzohet në rrugë, vdes në spital 37-vjeçari në Pogradec
10 Gusht, 19:40 -
Protestat e fermerëve/ Ministrja e Bujqësisë takim në Maliq: Nuk bën sens aplikimi poshtë 5 hektarë! Kërkuam që fermerët të bashkohen për të marrë 100% subvencione
9 Gusht, 15:53 -
'Kur të vdes mos më bëni gjellë me patate!' Fermeri tregon amanetin e të atit pasi pa stokun e madh të prodhimit. ‘Lufta’ ndaj prodhimeve vendase, tregun ‘e mbyt’ importi!
9 Gusht, 11:31
