Kryengritja e 14 shtatorit 1998, ku njerëz të PD-së, me të gjitha armët e këmbësorisë sulmuan kryeministrinë, parlamentin e RTSH-në, edhe pse e çmendur, nuk ishte thjesht një lëvizje kamikaze e Sali Berishës.
Pasi, siç dihet, të gjithë organizatat që përdorin dhunën sim jet komunikimi, kanë planet e tyre në suazën e kësaj gjuhe. Që nga marrja peng te atentatet, eksplozivët në shtylla tensioni, apo desinformacioni si mjet më i fuqishëm për të krijuar një realitet paralel.
Sali Berisha, e dinte se amerikanët do ta marrin në telefon e do t’i thonin tërhiqu, natyrisht jo direkt, pasi prej kohësh nuk kishte asnjë komunikim me ta. Amerikanët, pra, siç sot i kërkojnë palëve në konfliktin në Lindje të Mesme një armëpushim, do t’i kërkonin edhe Sali Berishës.
E në fakt ndodhi. Sali Berisha, më 14 shtator, pasi njerëzit e tij kishin pushtuar Radiotelevizionin Shqiptar, e po bënin plaçkë kush ishte më i zgjuar, kërkoi Bujar Muharremin, një gazetar i njohur i redaksisë së jashtme me të cilin kishin miqësi, që ta intervistonte. Në atë intervistë, Berisha u bëri thirrje njerëzve të tij që të largoheshin nga institucionet, ndërkohë që nisën negociatat e nëndheshme për amnistinë.
Të cilën e morën thuajse të gjithë ata që me armë në dorë institucionet, dikush u bë deputet, dikush drejtor policie, e dikush hyri në kupolën e shtetit.
Gazetari që i mori intervistën, si sinjal i një komunikimi me amerikanët, Bujar Muharremi pra, u emërua nga Sali Berisha ambasador në Kosovë, sapo mori pushtetin në 2005. Por më pas e largoi menjëherë, duke ndaluar çdo komunikim. i prekur në sedër, Bujari filloi të flasë në media nga pak për ato problemet që kishte parë. S’kaloi shumë dhe pësoi një atak kardiak që i mori jetën. E çuditshme për të gjithë ata që e kishin njohur, duke pasur parasysh jetën pa abuzime dhe spartane të tij. Nejse këto janë detaje që thjesht e pasurojnë kontekstin.
Por më 21 janar 2011, dy ditë pasi trupa të gardës vranë 4 protestues në bulevard, Sali Berisha nisi sërish një seri kërcënimesh që nga vrasja e Edi Ramës, deri e 300 tjerëve, madje edhe thirri një antimiting të grupeve të tij për ta ërplasur në shesh me ata të opozitës. Ambasadori amerikan, Alexandër Arvizu i shkoi në zyrë për të negocuar. Berisha tha që tërhqem nga mitingu, e Arvizu e llastoi direkt: “Je burrë shteti”!
Një frazë që një vëzhgues normal i politikës, nuk e gjente si aliene. Në 2008-n, pak ditë pas katastrofës së Gërdecit, një tjetër ambaaador amerikan, John Withers, e kishte përdorur atë frazë ndaj Edi Ramës, liderit të opozitës, i cili dha OK për konsensusin e opozitës për anëtarësimin e Shqipërisë në NATO.
Pra në thelb, aktet e fota kryhen nga formacione politike, apo organizata terroriste për të komunikuar me fuqitë relevante. Hamasi, Hezbullah, Huthit, janë mekanizma të Iranit, e me aktet e tyre, që ktuhen me paratë dhe mjetet e Teheranit, komunikojnë me akte të tmerrshme për tu bërë faktor. Pasi në një situatë normale, nuk do të bëheshin kurrë. Zgjedhjet dhe demokracia si proces i komplikuar janë një makinacion i pasigurtë.
Sali Berisha, ka përdorur paramilitarët sa herë që politikisht ka qenë i dobët. Në vitin 1991, rrëzoi qeverinë e përbashkët të Stabilitetit, pasi pa që Gramoz Pashko po bëhej njeriu më me fuqi politike në opozitë. Krijoi terror e trazira për ta shkatërruar kompromisin, duke likuiduar edhe Neritan Cekën si “njeriu që doli nga banja e Ramiz Alisë”. Siç sot shikojmë siç quhen liderët arabë si prosionistë.
Edhe me molotovët e mbrëmshëm Sali Berisha kërkonte një kontakt me ata fuqi relevante që kanë përgatitur të gjithë dosjen e të pabërave për 30 vjet. Duke kërcënuar që nuk do të djegë vetëm kryeministrinë e bashkinë, por edhe ministrinë e Brendshme madje edhe Partinë Socialiste.
Sinjali i parë i erdhi, por jo si më 14 shtator 1998, nga një negociator që i tha tërhiqu. Një politikan shumë i rëndësishëm i CDU-së, Gunther Krichbaum, i cili harton raportet për Shqipërinë në Gjermani dhe BE, i kujtoi burgun në mënyrën më literale të mundshme. Pra Molotovi nuk piu ujë. A do të përdoren armët bërthamore?! Kjo është temë për Rrethin katror pastaj…
Lajme të tjera
-
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Ambasada e SHBA tha se nuk do punonte me persona 'non grata'/ Berisha: E shkroi Yuri Kim! Pëllumbesha Spirogjoka trembet nga 5 milionshi
19 Dhjetor, 13:05 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Mero Baze: SPAK dhe si një radiografi e demokracisë në PD
18 Dhjetor, 22:31
-
Ylli Pata: Arsyet pse SHBA i rikujtoi Sali Berishës sanksionet
18 Dhjetor, 18:58
-
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
'Të gjithë le ta marrin një diplomë', Berisha kërkon t'i kthejë Universitetet 'han pa porta'
18 Dhjetor, 11:06 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51
