Ndërkombëtarët janë në terren në monitorim të zgjedhjeve vendore 2019 në Shqipëri. Veç misionit të OSBE/ODIHR, këto zgjedhje edhe selitë diplomatike në vendin tonë kanë nxjerrë stafin e tyre në monitorim dhe vëzhgim të zgjedhjeve.
Disa vëzhgues të OSBE-ODHIR kanë vëzhguar procesin e votimeve në disa QV në qytetin e Lushnjes.
Kryesuesja e OSBE/ODIHR Audrey Glover nuk doli të vëzhgojë zgjedhjet vendoret 2019 në qendrën e votimit në shkollën "Vasil Shanto" ku ishte parashikuar të shkonte. Shkak për këtë u bënë protestat e opozitës jo parlamentare nga militantë të PD-së të vendosur para qendrës së votimit. Në një reagim të misionit të OSBE/ODIHR thuhet se situata nuk ishte e favorshme për vëzhgim, dhe se qëndrimi i OSBE do të jepet në konferencë për mediat nesër, pas zgjedhjeve.
"Fokusi i Misionit të OSBE/ODIHR-it sot është vëzhgimi i procesit të votimit në të gjithë vendin. Situata në shkollën "Vasil Shanto” sot paradite nuk ishte i favorshëm për vëzhgim, kështu që Drejtuesja e Misionit nuk mundi të ndalet atje. Përfaqësuesit e medias do të kenë mundësinë të mësojnë më shumë rreth përfundimeve paraprake të misionit të ODIHR-it në konferencën për shtyp që do të mbahet nesër", thuhet në reagim.
Ambasadori i Bashkimit Evropian në Tiranë, Luigi Soreca menjëherë pas vëzhgimit në qendrën e votimit të vendosur në shkollën Vasil Shanto, ka shkuar në qytetin e Kamzës në qendrën e votimit të vendosur në gjimnazin Ibrahim Rrugova, KZAZ nr.27. Soreca ka komunikuar me komisionerët ndërsa nuk ka dhënë prononcim për mediat.
Pasi ka vëzhguar për disa minuta procesin dhe ka marrë informacionet e nevojshme si si ka shkuar votimi deri më tani, Soreca është larguar për të vëzhguar një tjetër qendër votimi.
Ambasador Britanik në Shqipëri, Duncan Norman ka qenë i pranishëm në qytetin e Kamzës për të vëzhguar procesin e votimit. Deri më tani në këtë qytet nuk janë shënuar incidente, ndërsa votimi ka qenë i qetë.
I pyetur në lidhje me procesin e votimit deri më tani dhe situatën që Shqipëria u fut në votime Norman ka thënë: Zgjedhjet që bëhen sot është gjë e mirë megjithatë është një situatë e pazakontë. Pasi votuesit nuk kanë mundësi të zgjedhin mes kandidatëve, por nuk na takon ne kjo. I takon gjykatës Kushtetuese për ta vlerësuar. Ne jemi në krye të detyrës për të vëzhguar këtë proces dhe situatën"
Ai shërben ky proces zgjidhjes së situatës?
"Çmoj faktin që zgjedhjet janë të qeta. Po patjetër që i shërben. Ne jemi për dialog, patjetër që është një mundësi dialogu. Kemi bërë thirrje për dialog. Shpresojmë që kjo t'i shërbejë dialogut. " ka thënë më pas Norman.
Ambasadori suedez në Shqipëri, ka shkuar të monitorojë zgjedhje në qendrat e votimit në Kamëz. Ndërkohë përfaqësues të ambasadës amerikane ka pasur edhe në qendrat e votimit në Elbasan. Më pas Ambasadori suedez, Johan Ndisi ka shkuar për vëzhgim në qendrën 2171 në Kavajë
Në Kavajë mbërritën edhe përfaqësues të ambasadës italiane.
Përfaqësues të ambasadës italiane
Për shkak se para Qendrës së Votimit tek shkolla "Vasil Shanto" në Tiranë militantë të PD-së janë duke zhvilluar protestë, mësohet se kryesuesja e misionit të OSBE/ODIHR Audry Glover, nuk do të mbërrijë në këtë qendër votimi, derisa të largohen protestuesit. Por tek "Vasil Shanto" kanë mbërritur tre përfaqësues nga OSBE/ODHIR, për të parë situatën.
Ambasadori i Bashkimit Evropian në Tiranë, Luigi Soreca ka qenë i pranishëm si vëzhgues në qendrën e votim nr.32 që është e vendosur në shkollën e Liceut Artistik në Tiranë. Soreca i pyetur nga Report Tv nuk është prononcuar por vetëm ka thënë ' më lini të bëjë punën time'. Vëzhguesit e OSBE si dhe vëzhguesit e Bashkimit Europian kanë qenë shumë të vëmendshëm dhe të përqëndruar në procesin e votimit.
Ndërkohë vetë Soreca ka bërë të ditur se mendimin për sa i përket procesit të zgjedhjeve do ta japi ditën e nesërme. Ndërsa i pyetur nëse do të votonin në kushte të tilla në Itali ai nuk i është përgjigjur.
E ngarkuara me punë e Ambasadës së Shteteve të Bashkuara të Amerikës, Leyla Moses-Ones, është gjendur këtë mëngjes në shkollën Edit Durham për monitorimin e zgjedhjeve vendore 2019, ambient i cili është kthyer në qendër votimi. Ambasada Amerikane ka nxjerrë stafin e saj për vëzhgim të procesit zgjedhor.
Ndërkohë zv/ambasadori amerikan Daniel Koski ka monitoruar sot nga afër KZAZ-në nr 35, të Njësisë Nr 5, Tiranë.
Komente
Lajme të tjera
-
Dhanë vendimin e 30 qershorit, Meta kërkesë KPA-së: Nisni hetimin disiplinor për Fiona Papajorgjiin dhe anëtarët e tjerë të Gjykatës Kushtetuese
26 Janar 2022, 10:27 -
KQZ dijeni vetëm për 3 bashki pa kryetarë, Meta letër Kryeministrisë: Kërkoni zgjedhje të parakohshme, por s’më informoni zyrtarisht! 2 pyetjet që duhet të më përgjigjeni sa më shpejt
17 Janar 2022, 13:28 -
Nga 'fati' i Metës në Kushtetuese, te akti final i 'betejës' në PD apo zgjedhjet e parakohshme në 6 bashki! 5 ngjarjet 'e nxehta' që priten në arenën e politikës gjatë vitit 2022
2 Janar 2022, 14:32
-
Meta kundërshton Kushtetuesen për zgjedhjet vendore? PS: Kjo punë ka marrë fund, morën mësimin e duhur! Fitoi e drejta e shqiptarëve për të votuar
9 Dhjetor 2021, 11:46 -
Skënder Minxhozi: Me ose pa Kushtetuese, presidenti nuk ndryshon
7 Dhjetor 2021, 19:20
-
Zgjedhjet e 30 qershorit, Presidenca: Gjykata Kushtetuese i zhgënjeu të gjithë me vendimin, nuk i dha zgjidhje përfundimtare çështjes, por ia la politikës
7 Dhjetor 2021, 17:11 -
Votimi/ Gruaja e Andi Bejtjas sfidoi ‘Venecian’ dhe doli në krah të Metës, e vetmja në Kushtetuese që kërkoi përmbysjen e zgjedhjeve të 30 qershorit 2019
6 Dhjetor 2021, 16:20
-
Zgjedhjet lokale legjitime, Kume: Gjykata Kushtetuese ktheu opinionin e 'Venecias' në vendim të saj! Duhej të krijonte mekanizma për të mos u përsëritur 30 qershori
6 Dhjetor 2021, 13:16 -
Rrëzoi kërkesat për jo kushtetuetshmëri të zgjedhjeve lokale, Kushtetuesja zbardh vendimin: Nuk është në juridiksionin tonë! Voltana Ademi s'na vinte dot në lëvizje
2 Dhjetor 2021, 15:34 -
Po diskutoni për emër të ri Presidenti? PS: Meta është i shkarkuar nga Kuvendi por deri sa të shprehet Kushtetuesja është në detyrë
5 Nëntor 2021, 12:51 -
Skenari/ Meta pret Berishën të rrëzojë Bashën që të dekretojë zgjedhjet në 7 bashki?!
3 Nëntor 2021, 22:53
-
Ylli Pata: Çfarë parashikon shpallja e 'Venecias'-armik nga avokati i Ilir Metës?!
3 Nëntor 2021, 17:28
Gjynah na paskan ngelur akoma ca kafshe jasht kafazit,por te mos merziten edhe ato do disiplinohen.Na felliqen ne syt e botes maskarenjt.Qenkan pa fije truri te shkretet.Po nuk po shikojn keta qe nuk mbron njeri ,filluan ti mohojn,duke then sjan tanet.Shkurt do ruajn bythen e tyre.Ah mor mjernet e shkret.Bota do te na bej njerez ne su hapim rrugen,ku ka arritur Opozita jon!!!!!!!!!!!!!!!!!!!!!
Përgjigju