TIRANË - Mesfushori Kamer Qaka ka firmosur një kontratë prej 1 viti e gjysmë me Partizanin. 30-vjeçari i cili ka luajtur edhe me kombëtaren shqiptare pak ditë më parë u përfol për një kalim te KF Tirana, por "Demat e Kuq" kanë bërë për vete futbollistin energjik. Ky është afrimi i parë i drejtorit sportiv, Agim Ibraimi.

"Partizani me kënaqësi njofton arritjen e marrëveshjes me mesfushorin Kamer Qaka. Ish-lojtari i përfaqësueses së Shqipërisë është zyrtarisht pjesë e të kuqve, skuadër me të cilën do të provojë edhe aventurën e parë në Kampionatin Shqiptar. Qaka i cili ka nënshkruar me të kuqtë një kontratë për një vit e gjysëm është prezantuar në ambjentet e klubit nga drejtori sportiv Agim Ibraimi", bën me dije Partizani.

Pas përvojës në Maqedoninë e Veriut me Shkëndijën e Tetovës, ekip me të cilin fitoi dy tituj kampion, Qaka për herë të parë do provojë të luajë në Superligën shqiptare.

I lindur në Pejë, Qaka gjatë karrierës së tij është aktivizuar në Norvegji me klubet e Raufoss, Honefoss apo edhe Sarpsborg. Ai ka luajtur gjithashtu me Poli Iasi dhe Steauan e Bukureshtit në Rumani dhe Mezokovesd në Hungari.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera