Presidenti Vladimir Putin do të urdhërojë një kundërofensivë në përpjekje për të rimarrë territorin rus të pushtuar nga forcat ukrainase në rajonin e Kurskut, por forcat ruse do të përballen me "një luftë të vështirë", tha të mërkurën zëvendësdrejtori i Agjencisë Qendrore të Zbulimit, CIA, David Cohen.
Zoti Cohen tha në një konferencë të industrisë së sigurisë kombëtare se mbetet për t’u parë se çfarë rezultati do të ketë futja e ushtrisë ukrainase në prapavijat e armikut, dhe marrja nën kontroll e një sipërfaqeje prej 777 km katror të territorit rus.
Më 6 gusht, forcat ukrainase filluan një sulm të befasishëm që ende po vazhdon, duke kaluar kufirin perëndimor të Rusisë në rajonin e Kurskut.
Ndërsa Kievi ka thënë se nuk ka ndërmend ta aneksojë zonën që ka pushtuar, trupat ukrainase po ndërtojnë vija mbrojtëse dhe duket se synojnë të mbajnë “një pjesë të territorit për një periudhë kohore”, tha zoti Cohen në takimin për sigurinë kombëtare.
“Sigurisht që Putini do të ndërmarrë një kundërofensivë në përpjekje për ta rimarrë atë territor”, tha zoti Cohen. “Unë mendoj se do të jetë një luftë e vështirë për rusët”.
Ai tha se Presidentit Putin do t’i duhet të përballet me zemërimin brenda vendit për humbjen e territorit rus.
Ukraina pretendon se ka marrë nën kontroll 100 vendbanime gjatë inkursionit të saj në rajonin rus të Kurskut, ndërsa forcat ruse vazhdojnë përparimin në rajonin lindor të Donetskut.
Të martën, Presidenti Volodymyr Zelenskiy tha se lufta me Rusinë do të përfundonte përmes dialogut, por se Kievi duhej të ishte në një pozitë të fortë dhe se ai do t'i paraqiste një plan Presidentit Joe Biden dhe dy pasardhësve të tij të mundshëm.
Por nga ana tjetër, Presidenti Putin ka thënë se çdo marrëveshje duhet të fillojë me pranimin nga Ukraina të "realiteteve në terren". Kjo nënkupton që Rusia të mbajë kontrollin e pjesëve të konsiderueshme të katër rajoneve të Ukrainës, si dhe Krimenë.
Ukraina thotë se kontrollon më shumë se 1200 km katrorë të rajonit Kursk të Rusisë./ VOA
Lajme të tjera
-
Putin dhe pasojat e ofensivës së befasishme ukrainase
28 Gusht, 21:14 -
Rusia shton në listën e sanksioneve edhe 92 qytetarë amerikanë
28 Gusht, 21:12 -
Në rrënjët e Kamalës
28 Gusht, 20:27 -
Aktpadi e re kundër ish-Presidentit Trump lidhur me rastin e 6 janarit
28 Gusht, 19:10 -
E Ngarkuara me Punë e SHBA takon kreun e SPAK: T'i japim fund pandëshkueshmërisë! 'Luftë' korrupsionit dhe krimit të organizuar
28 Gusht, 18:16 -
Zjarr në një depo nafte në jug të Rusisë, guvernatori i rajonit akuzon Kievin për sulm me dron
28 Gusht, 16:57 -
Meksika ngrin marrëdhëniet me ambasadat e Shteteve të Bashkuara dhe Kanadasë
28 Gusht, 13:51 -
Lufta Rusi-Ukrainë, IAEA jep alarmin: Rrezik aksidenti në termocentralin bërthamor të Kursk, raketat ruse po bien në perimetër
28 Gusht, 07:55 -
Lufta në Ukrainë/ Moska: 12 dronë ukrainas u rrëzuan gjatë natës
28 Gusht, 07:38 -
Zëdhënësi i Shtëpisë së Bardhë, John Kirby: SHBA do ta mbrojë Izraelin në rast të një sulmi nga Irani
27 Gusht, 22:49 -
E Ngarkuara me Punë e SHBA në Tiranë takon Manjën: Thelbësore zbatimi i reformës në drejtësi dhe lufta kundër korrupsionit
27 Gusht, 17:52 -
Kthimi i Trumpit apo fitorja e Harrisit? Ballkanin mund ta presin ndryshime
27 Gusht, 17:43
