Zyrtarizimi i Vorpsit në Fletoren Zyrtare, Meta:Qendra e Botimeve refuzon të më japë aktin

Presidenti Ilir Meta u shpreh sot se Qendra e Botimeve Zyrtare nuk i ka vendosur në dispozicion procedurën e realizimit të aktit me të cilin është kërkuar botimi në fletoren zyrtare i shpalljes në emër të KED-së së Arta Vorpsit anëtare Gjykatës Kushtetuese. Meta tha se as Komisioni i Venecias që ka ardhur për opinion në Tiranë, nuk e ka gjetur këtë akt, por Qendra e Botimeve Zyrtare, sipas tij, i ka refuzuar kërkesën që t'ia vendosë në dispozicion. Kreu i shtetit i paralajmëroi drejtuesit e këtij institucioni se do të mbajnë përgjegjësi të plotë.

"Jam këtu për të kërkuar të gjithë ndihmën e popullit për të çmontuar grushtin e shtetit, që në emër të disa bandave kombëtare dhe ndërkombëtare, por edhe një pjese të mafies ndërkombëtare që i mbështet hapur aktivitetin në dhunim të sovranitetit. Kam një problem të madh nuk po gjej dot aktin me të cilin është kërkuar dhe realizuar botimi në fletoren zyrtare i gjoja shpalljes në emër të KED Arta Vorpsit anëtare Kushtetuese. Akt me të cilin Kuvendi e konsideroi të zgjedhur dhe vijoi punët e mbrapshta. Ky është shqetësim, pasi parlamenti ka thirrur komisionin e Venecias dhe as ata nuk e kishin gjetur dhe ne nuk e kemi zyrtarisht pasi duhet të jemi seriozë me komisionin e Venecias.

Prandaj i kam kërkuar para 48 orëve, ka skaduar afati, QKZ dhe i është drejtuar me këtë mënyrë "Datë 9 nëntor rezulton të jetë botuar vendimi. Presidenti kërkon menjëherë dërgimin e të dhënave mbi mënyrën e administrimit të kërkesës zyrtare për betimin të vendimit për KED, shoqëruar me praktikën dhe botimit të aktit. Në mos përgjigje, personat përgjegjës do të mbajnë përgjegjësi. Për informacionet që kërkon Presidenti institucionet duhet të përgjigjen menjëherë. Na duhet akti që Komisioni i Venecias të jetë edhe më i ndriçuar pas takimit me anëtarët e KED-së së vjetër" tha ai.


Lajmi kryesor:

Do të shpërndajë parlamentin? Meta shkel emergjencën e tërmetit: Në 2 mars me popullin në bulevard, firmos dekretin e parë, Rama të përgatisë poture të gjëra


/r.k./Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Stuhi' e re për Sandro Tonalin, Federata Angleze e akuzon për 50 baste edhe në Angli! Newcastle: Na kanë sinjalizuar

'Stuhi' e re për Sandro Tonalin, Federata Angleze e akuzon për 50 baste edhe në Angli! Newcastle: Na kanë sinjalizuar