Reshjet e dëborës kanë zbritur edhe në zonat e ulëta. Tirana është zbardhur në orët e para të mëngjesit, por reshjet kanë qenë me intensitet të dobët. Rruga e Kombit është bllokuar dhe në të janë regjistruar edhe 2 aksidente, pa të plagosur. Borë ka rënë edhe në Elbasan, Shkodër e Gjirokastër si dhe janë rikthyer në Korçë, Kukës dhe Dibër ku raportohen disa fshatra të bllokuara. 4 aksidente pa të plagosur janë regjistruar edhe në aksin Qukës-Qafë Thanë. Izolohet edhe Dardha në Korçë. Pezullohet mësimi nga moti i keq në Gjirokastër, Pukë, Fushë Arrëz si dhe në disa shkolla të Korçës. Probleme me energjinë elektrike në Berat.

Monika Kryemadhi kërkon nga strukturat e LSI-së në Korçë që të mbështesin nesër protestën e studentëve e cila është parashikuar për t'u mbajtur në Tiranë.

Mbledhja e parë e Qeverisë për vitin 2019 u zhvillua në Labinot të Elbasanit. Në fokus të këtij takimi kanë qenë masat kundër korrupsionit, punësimi, zhvillimi i sipërmarrjes private si dhe rekrutimi i studentëve të shkëlqyer në administratën publike. Ndërkohë që zhvillohej mbledhja e kabinetit, jashtë u zhvillua një protestë nga mbështetës të PD të cilët ndezën tymuese dhe lëshuan thirrje kundër kryeministrit.

Report TV siguron një pjesë nga denoncimi në policinë e Elbasanit të biznesmenit Aurel Guni i cili u tentua të merrej peng dy ditë më parë. Sipas Gunit, rrëmbyesi i tij Bexhet Musmuca i ka thënë se duhej ta dorëzonte tek Ardjan Çapja dhe te Ervis Caushllari, në të kundërtën do t'i vrisnin djalin.

Familjarët nuk kanë qenë në banesë, ndërsa fqinjët kanë lajmëruar zjarrfikësen, e cila ka shuar flakët.

Edhe pse është vetëm 1 km nga qendra e qytetit të Elbasanit, lagjia Skënderbej në këtë qytet është e harruar. Banorët thonë se problematika është e tillë prej shumë vitesh dhe pavarësisht kërkesave të vazhdueshme investimet në infrastrukturën e lagjes.

Vijon zbatimi i planit të masave të policisë rrugore për parandalimin e aksidenteve rrugore, dhe me qëllim rritjen e prametrave të sigurisë rrugore. Në kuadër të kontrollove policia njofton se janë evidentuar 38 raste shkeljesh, ku drejtuesit e mjeteve kanë kryer parakalim të gabuar.

Policia e Elbasanit njofton se në kuadër të masave të marra për mbarëvajtjen e festave të fundvitit, është hartuar një plan masash në të cilin janë përcaktuar objektivat dhe detyrat e strukturave të policisë për këtë fundvit, nëpërmjet të cilave synohet rritja e sigurisë për qytetarët dhe parandalimi i ngjarjeve kriminale.

I riu u arrestua në flagrancë gjatë një tentative vjedhje të një banese, si dhe për kundërshtim të punonjësve të policisë në momentin e arrestimit.

Një person është arrestuar në Elbasan, për shkak se ka ushtruar dhunë fizike e ka kërcënuar një punonjëse të bashkisë së qytetit.