Sot Belind Këlliçi rezulton kandidati që shpenzon më shumë para në platformën Facebook. Siç mund të shihet thjesht nga të dhënat e Facebook, pamundësia e tij financiare për të shtyrë muajin me 2 milion lekë rrogë, nuk e ka penguar atë të nisë një fushatë të madhe sponsorizimi në rrjetet sociale për të rritur shikueshmërinë e aktiviteteve të tij.

Për herë të parë, në Tiranë u mbajt mbledhja e Këshillit të Stabilizim Asocimit mes BE dhe Shqipërisë, që solli në kryeqytet edhe dy zyrtarët e lartë të BE-së, Josep Borrell dhe Oliver Várhelyi. Takimi u pasua mes një konferencë për shtyp mes Ramës dhe zyrtarëve të lartë, të cilët mbajtën edhe njëherë qëndrimin e qartë se vendi i Shqipërisë është në BE.

Një 48-vjeçar në Vorë është vënë në prangat e policisë. Autori Edmond Picari ishte në gjendje të dehur kur fillimisht është konfliktuar në rrugë me Ervin Picarin. Më pas ka shkuar në banesë ka marrë çiften dhe është futur në lokal dhe ka qëlluar. Të dy janë fqinj dhe kushërinj të largët. Sipas disa deklarimeve, ngjarja ka ndodhur për shkak të debateve të hershme që kishin.

Ka zgjatur rreth një orë mbledhja e grupit parlamentar në Partinë Socialiste, ku në fokus të diskutimeve ishte procesi i zgjedhjeve vendore që do të mbahen më 14 maji. Burime për gazetarin e Report Tv Ermal Qori bëjnë me dije se kryeministri Edi Rama u ka lënë porosi deputetëve që të angazhohen maksimalisht me strukturat vendore

Të gjitha rrugicat e Liqenit të Thatë po asfaltohen nga Bashkia e Tiranës, në vijim të aksionit për sistemimin e çdo aksi rrugor në lagjet e kryeqytetit. Kryebashkiaku Erion Veliaj, gjatë inspektimit të punimeve për këto rruge, u shpreh se po punohet edhe për urbanizimin e plotë të lagjes dhe nuk do ketë më nevojë t’i marrë shërbimet në Njësinë 5.

Prokuroria e Tiranës ka kërkuar konfiskimin e pasuisë së Selami Duraku dhe familjarëve të tij. Sipas njoftimit për media, Prokuroria sqaron se pasuritë e tij vijnë si rrjedhojë e veprimtarive kriminale.

15 vjet pas tragjedisë së Gërdecit, vëllai i një prej viktimave, Shefkli Canit që humbi jetën tragjikisht në punishte, Ramazan Cani rrëfen se për dhimbjen e madhe që ka pësuar familja e tij. Në një intervistë për gazetaren e Report Tv, Ledina Jakimi, ai u shpreh se dhimbja është edhe më e madhe në momentin që kjo ngjarje e rëndë, lihet në harresë dhe vetëm në ekranin e Report Tv dhe Shqiptarja.com botohet çdo vit përkujtimi i kësaj ngjarjeje

Më 15 mars ora 19.00, në Teatrin e Operas dhe Baletit do të zhvillohet  koncerti "Mbrëmje Pranverore", i organizuar nga Liceu Artistik "Jordan Misja" dhe "Shkolla Kombëtare Koreografike".

Edhe pse Fatjon Murati sot është në Turqi dhe i shpëtoi breshërisë së plumbave të derdhur në drejtim të lokalit të tij mbrëmjen e 12 marsit, në Gjykatën e Tiranës u shty seanca që ishte parashikuar për të dhe Kristjan Gjinin, të akuzuar për armëmbajtje pa leje për arsenalin e armëve që iu gjet të dyve disa muaj më parë.