Një 58-vjeçar me iniciale T.B., ka rënë në pranga, pasi u kap duke transportuar 2 emigrantë të paligjshëm pakistanez më qëllim që t’i ndihmonte të kalonin kufirin.

246 kg kanabis janë sekuestruar në fshatin Vallas në Shkodër, ku janë venë në pranga 6 persona dhe 8 të tjerë janë në kërkim

Bojkoti 4 ditor i Dhomës së Avokatisë përfundoi pa asnjë reagim nga KLGJ apo Ministria e Drejtësisë, pavarësisht kërkesës së avokatëve që të shqyrtohej sërish harta e re gjyqësore. Dhoma Kombëtare e Avokatisë, e cila drejtohet nga Maksim Haxhia, nuk kishte një qëndrim për vijimin e bojkotit të seancave gjyqësore, por avokatët në Lezhë, Shkodër, Vlorë e Gjirokastër do të vijojnë bojkotin edhe përgjatë kësaj jave. Për këtë arsye, Dhoma e Avokatisë Lezhë ka ftuar qytetarët në një protestë qytetare në Lezhë, Laç dhe Krujë.

Me qëllim promovimin e turizmit është organizuar, festa e liqenit të Shkodrës. Kryebashkiaku Spahia foli për dy investime të rëndësishme që do të nisin së shpejti në pikën turistike të Shirokës.

Kryeministri i Malit të Zi, Dritan Abazoviç ka shpërndarë sot në rrjetet sociale disa informacione të reja të rëndësishme mbi urën që do të ndërtohet mbi Bunë e që do të lidhë në një distancë mjaft të shkurtër Shqipërinë me Malin e Zi. Sipas Abazoviç, ura do të lidhë 34 km plazhe me rërë, të cilat vizitohen nga rreth 530,000 turistë në vit.

Katër punonjës policie me detyrë në Stacionin e Policisë Velipojë janë arrestuar pasi akuzohen për shpërdorim detyre. Ata dyshohet se kanë favorizuar kultivimin e sasive të konsiderueshme të bimëve narkotike në zona që kanë pasur mundësi të mbikëqyren e kontrollohen.

Një aksident i rëndë ka ndodhur në fshatin Rranxë të Vaut të Dejës. Rreth orës 14:45, një 38-vjeçar i identifikuar me inicialet E.Rr. po lëvizte me një mjet zetor por humbi kontrollin.

Detaje të reja mësohen nga krimi në Shkodër, ku mbeti i vrarë Lulash Qepuri. Autori ende i paidentifikuar është kapur nga kamerat e sigurisë me maskë dhe dy armë. Krimi ndodhi në prezencë të të birit, i cili ka qëlluar me armë ndaj atentatorit.

Shkëmbim me armë zjarri është regjistruar mbrëmjen e sotme në Shkodër, ku për pasojë ka mbetur një person i vrarë. 74-vjeçari Lulash Qepuri u vra në lokalin e tij, ndërsa në vendngjarja ka qenë edhe i biri i tij, ku mësohet se ai i është kundërpërgjigjur autorit me shotgun. Menjëherë pas ngjarjes, i biri ka telefonuar policinë dhe u ka thënë se i kanë vrarë babanë.

Dy të mitur të moshë 15 dhe 17 vjeç janë zhdukur në Shkodër. Ka qenë mamaja e dy fëmijëve Donika Kola e cila ka bërë denoncimin në polici. Fëmijët janë larguar nga banesa sipas të ëmës që në datën 1 qershor dhe nuk janë kthyer më.