50-vjeçarja nga Tropoja Flutura Madani për shkak të një aksidenti rrugor ka mbetur invalide. Ajo është trajtuar për disa vite me pension invaliditeti por prej 6 muajsh e kanë hequr nga skema e KMCAP -it. Ajo kërkon ndihmë pasi nuk blen dot as ilaçet.

Bashkia e Kukësit nuk ka fonde për të ndërtuar një treg të mirëfilltë ndërkohë që për aktualin paguan qira për truallin duke rënduar më shumë situatën. Kryetari i bashkisë Safet Gjici, thotë se po punohet për projektimin e tregut agro-ushqimor dhe dy tregjeve të tjera për të marrë financimet nga qeveria.

Foto të rralla të Havzi Nelës, poetit të pushkatuar nga diktatura janë ekspozuar  në Muzeun Etnografik të Qytetit të Kukësit. Vizitorët e parë ishin nxënësit e gjimnazit që mban emrin e tij. Ekspozita përmban 38 foto të panjohura, që i ka mbledhur me përkushtim shkrimtari Petrit Palushi.

Pas Divjakës janë fermerët e Kukësit ata që deklarojnë se kanë humbur interesin për të kultivuar grurin për shkak të kostos së lartë. Rritja e çmimit të naftës dhe dyfishimi i plehrave kimikë kanë bërë që sipërfaqe të tëra të mbeten djerr.

Një 34-vjeçar nga Tropoja është arrestuar pasi ka tentuar të trafikonte armë drejt Kosovës. Ai është arrestuar gjatë operacionit "Shoshan”, ndërsa iu sekuestruan 3 armë zjarri dhe municion luftarak.

Një rast i mosdeklarimit të parave në kufi është goditur nga autoritetet shqiptare. Këtë herë bëhyet fjalë për një shtetas të Maqedonisë së Veriut, i cili po kalojnë kufirin nga Kosova për në Shqipëri. 42-vjeçari A.S kishte me vetë 16.950 euro dhe nuk i ka deklaruar.

Kukësi është zgjuar me mjegull të dendur, që ka ‘pushtuar’ të gjithë qytetin dhe rrethinat e tij. Pamjet tregojnë një mjegull të dendur që ka përfshirë këtë zonë mëngjesin e sotëm. Përshkimi i rrugës bëhet në kushtet e pamjes së kufizuar

Moti i thatë me reshje të pakta dhe ngrica, gjatë janarit dhe ditëve të para të shkurtit, ka ndikuar në uljen e prurjeve natyrore të lumenjve që furnizojnë me ujë, HEC-in e Fierzës, krahasuar edhe me dhjetorin e vitit të kaluar

Ish-kryetarin e Bashkisë së Tropojës, Besnik Dushaj ka hedhur akuza në drejtim të kryetariaktual Rexhë Byberi se ka dhënë një leje korruptive familjarëve të tij, për vendosjen e një fabrike prodhimi asfalti në këtë zonë.

Është ndarë nga jeta Burrnesha e Malësisë së Madhe Hajdar (Fatime) Bardhi. Lajmin për ndarjen nga jeta e kanë bërë të ditur miqtë e saj në rrjetet sociale

Ngjitja në male sot është një sport amator që e ndjekim të apasionuarit pas natyrës dhe alpeve, por në kohën e diktaturës ka pasur ekipe sportive me alpinistë profesionistë. Një ndër ta ka qenë Emri Llukovi, i cili rrëfen për Report Tv eksperiencën e bukur por të rrezikshme.

Mbikalimi në rrugën që të çon drejt aeroportit të Kukësit ka përfunduar. Lajmi është bërë me dije nga kryeministri Edi Rama.

Burime për Report Tv bëjnë me dije se trupi i 50-vjeçarit është gjetur nga banorët e zonës në Liqenin e Fierzës.Trupi i pajetë do të dërgohet drejt Tiranës për ekspertizë.

 Sipas masave të reja, ne territorin e Kosovës do të lejohet kalimi me dy dozat e vaksinës anti-COVID, ose me një dozë vaksine dhe një test negativ PCR.

Në aeroportin ndërkombëtar “ZAYED- Flatrat e Veriut”, në Kukës u ul sot avioni i parë i kompanisë WizzAir për të nisur në maj operimin e pandërprerë me 4 destinacionet e para drejt Austrisë, Gjermanisë dhe Zvicrës, fillimisht nga dy herë në javë. Rama tha se fluturimet do të jenë nga 19 euro, teksa premtoi se deri në fund të mandatit Kukësi do të bëhet një pikë referimi për rajonin.

Ishin nisur nga Kukësi për të shkuar në Korçë për të festuar një ditëlindje, por momentet e gëzimit për familjen nga Kukësi nuk zgjatën shumë. Elmi Keqa, Elona Keqa, Elis  Sulmataj, Elisiado Keqa dhe Ambra Halili zgjodhën qytetin e Korçës për të festuar ditëlindjen e njërit prej tyre, udhëtim që do të kthehej në tragjedi.

Një aksident i rëndë është shënuar mëngjesin e sotëm në aksin rrugor Elbasan-Librazhd, ku një automjet me 5 persona është përplasur me një tjetër makinë dhe për pasojë drejtuesi ka humbur kontrollin duke përfunduar në lumin Shkumbin. Ata ishin nisur nga Kukësi për të festuar ditëlindjen e njërit prej anëtarëve të familjes, por udhëtimi i tyre u pre në mes nga një aksident tragjik.

Dy persona janë vënë nën hetim sot në Kukës, pasi ushtronin aktivitetin në një klinikë dentare të palicencuar, duke shmangur edhe detyrimet tatimore.  Sipas Policisë, kanë nisur hetimet për M. U., 38 vjeçe, banuese në Kukës dhe H. U., 49 vjeç, lindur në Turqi dhe banues në Kosovë.

Pjesë e Parkut Korab-Koritnik, kanioni i “Grykës së Vanave” në Topojan të Kukësit ofron një pamje piktoreske në këto ditë të ftohta dimri kur natyra është nën pushtetin e dëborës. Është ende i panjohur për vizitorët, por drejtori i Turizmit në Bashkinë Kukës Arben Palushi, shprehet se ujëvarat e Topojanit janë një mundësi e mirë për zhvillimin e turizmit malor për zonën.

Vendimi i qeverisë së Albin Kurtit për të kaluar kufirin me tre doza vaksine ka shkaktuar një dëm të madh për lëvizjen e qytetarëve shqiptarë. Vetëm 50 automjete kanë dalë nga Shqipëria drejt Kosovës gjatë 24 orëve të fundit duke shënuar një rënie drastike të udhëtarëve.

Një 34-vjeçar nga Sllovenia, është vënë në procedim penal, pasi është kapur me një shumë të madhe eurosh të padeklaruara

Ata kërkojnë që bashkia të çojë fadromat për të hapur rrugën prej 1 km që lidh fshatin e tyre me aksin nacional Kukës-Shishtavec.

Dy organizatorët e protestës së një dite më parë në pikën kufitare të Morinës janë proceduar në gjendje të lirë për  "Organizimi dhe pjesëmarrja në grumbullime e manifestime të paligjshme"  dhe "Pengimi i qarkullimit të mjeteve të transportit".

Kryetari i Bashkisë së Kukësit, Safet Gjici tha se me ashpërsimin e masave të antiCOVID nga ana e Kosovës paralizohen kuksianët dhe se për këtë problem do i dërgojë një letër qeverisë së Kosovës për të reflektuar mbi vendimin për të kaluar kufirin me 3 doza të vaksinës.