Prej më shumë se një viti ura mbi lumin Mat në Kurbin është demtuar dhe ndarë në disa pjesë duke u kthyer në një rrezik të përditshëm për banorët e fshatrave kuraj, Gallat dhe Vinjoll që duan të kalojnë në anën tjetër. Banorët ankohen se kanë mbetur të izoluar dhe për çdo rast emergjence shëndetësore, pasi ura e ndërtuar vetëm 4 vite më parë ka dalë jashtë funksioni.

Kukësi dhe Dibra janë zgjuar sot të zbardhura nga reshjet e rendura të dëborës. Mësohet se në zonat e thella të Dibrës trashësia e dëborës shkon deri në 25 cm ndërsa në Shishtavec të Kukësit trashësia shkon deri në 40 cm. Lidhur me situatën e motit ka reaguar edhe ARRSH e cila i bën apel shoferëve që të reduktojnë shpejtësinë dhe të bëjnë kujdes.

Inspektori i Lartë i Drejtësisë kërkon shkarkimin e prokurores së Dibrës, Belina Zeneli. Sipas ILD-së, Zeneli ka zvarritur 10 çështje gjyqësore dhe ka cenuar besimin te drejtësia. ILD argumenton se nga veprimet e prokurores Belina Zeneli, nuk janë zgjidhur 33 procedime penale, ndërsa nuk ka kryer verifikime për 300 kallëzime

Në katër pjesë të një puzzle që nuk ngjitet është ndarë ura në Skuraj, duke bërë të pamundur kalimin e saj.

Fshatit Zogjaj në Dibër i kanë mbetur vetëm 35 familje, nga 110 që kanë qenë dikur. Shumica janë larguar nga varfëria dhe mungesa e shërbimeve. Banorët shohin të pikëlluar teksa dita-ditës shtëpitë e fqinjëve boshatisen. Shpresa për tu rikthyer mbetet tek rrugët dhe investimet që mund t’i shërbejnë të nxjerrin prodhimet në treg dhe tu lehtësojë lëvizjet.

Në pranga kanë rënë Adil Cibaku, Izet Merdini dhe Artur Lami, përkatësisht administrator i një kompanie transporti publik, menaxher dhe shofer. Sipas Policisë, këta persona kishin  instaluar dy serbatorë  për naftë  në një autobus të kompanisë dhe në mënyrë të vazhdueshme merrnin naftë në Dibër të Madhe dhe më pas e depozitonin në një  depozitë nafte në afërsi të kompanisë së tyre.

Ngjarja u regjistrua në fshatin Shkallë, Cërujë, ku Petrit Meça rreth 60 vjeç, duke drejtuar automjetin ka humbur kontrollin duke rënë disa metra poshtë rrugës dhe për pasojë ka humbur jetën.

Policia e Dibrës ka arrestuar dy persona në Mat, pasi në mënyrë të paligjshme kanë prerë sipërfaqe të mëdha pyjesh në vendin e quajtur 'Linos-Guri i Bardhë", pjesë  e zonës së mbrojtur me ligj

Një fëmijë i moshës 5-6 vjeç është gjetur sot nga policia e Matit në dalje të qytetit. Fëmija i mitur është braktisur dhe nuk jep të dhëna për emrin e tij dhe as për familjen

Një person ka humbur jetën dhe 3 të tjerë kanë mbetur të plagosur ditën e sotme në Dibër si pasojë e një aksidenti.

Dy aksidente kanë ndodhur brenda pak minutave në aksin rrugor Bulqizë- Fushë Bulqizë në vendin e quajtur ‘Pishat’