Duke filluar nga 16 korriku, qytetarët që kanë zgjedhur jugun e vendit për kaluar pushimet, do të mund të kalojnë tashmë nga Bypassi i Vlorës. Ministrja e Transporteve, Belinda Balluku, inspektoi mbrëmjen e sotme punimet në Bypass, ndërsa tha se do të jetë i kalueshëm për automjetet më 16 korrik.

6 vatra zjarri janë regjistruar ditën e sotme në "Pyllin e Sodës'' në Vlorë. 2 automjete dhe 8 efektivë të forcave zjarrfikëse në terren kanë bërë të mundur shuarjen e flakëve.

Teksa luhej gjysmëfinalja e dytë për kampionatin europian Danimarkë-Angli, një operacion i koduar "Gjysmëfinalja" është zhvilluar mbrëmjen e djeshme në 12 qarqet e vendit për goditjen e lojërave të fatit, gjatë të cilit janë janë arrestuar 35 persona ndërsa janë vënë nën hetim 18 të tjerë

Sotir Tafili, 50-vjeç është vënë në hetim pasi kishte 'zaptuar' plazhin e Zvërnecit në Vlorë, duke vendosur shezlongë pa leje nga autoritet përkatësë. Report Tv mëson se Tafili kishte zënë hapësirën publike duke vendosur 140 shezlongë dhe 80 çadra pa leje, për pasojë është proceduar penalisht. Procedimi i tij vjen në kuandër të fazës së dytë të operacionit "Bregdeti ynë", me qëllim lirimin e hapësirës së plazheve nga 'uzurpuesit'.

Një lokal është përfshirë në flakë gjatë natës në Vlorë, ndërsa janë djegur të gjitha tavolinat dhe sende e tjera që kishte brenda.

Një i ri është pickuar nga akrepi në Vlorë, dhe për pasojë ka përfunduar në spital. Ngjarja ka ndodhur këtë pasdite ku shtetasi me iniciale E.D ka qenë së bashku me familjen në plazhin e Karaburunit dhe është pickuar nga një akrep

Identifikohen dhe shpallen në kërkim policor 3 autorët që dyshohet se kanë rrahur me shkopa bejsbolli ditën e djeshme avokatin Marjel Mejdini në Sarandë.

Predha të Luftës së dytë botërore, pistoleta dhe armë të tjerë nxirren nga fundi i Detit Jon. 310 municione historike, janë nxjerrë në gjirin e Vlorës gjatë një aksioni nga forcat detare shqiptare dhe Marina franceze

Temperaturat e larta dhe ndotja e ajrit kanë rritur numrin e të prekurve nga virozat  e stinës. Rreth 100 të mitur vizitohen çdo ditë në Pediatrinë e Vlorës. Mjekja pediatër Aida Koka tha për "Report Tv" se prindërit nuk duhet ti ekspozojnë për një kohë të gjatë fëmijët në diell si dhe të kujdesen për ruajtja e higjienës.

Një 39-vjeçar, me profesion avokat, është dhunuar me sende të forta nga disa persona pasditen e sotme në Sarandë. Mësohet se është dhunuar Marjel Mejdini, ndërsa ngjarja u regjistrua në afërsi të portit.

Banorët e fshatit Kalivaç protestojnë për uzurpimin e tokave bujqësore. Ata hedhin akuza për korrupsion ndaj drejtuesit të Kadastrës në Tepelenë, Pëllumb Milori. Ndërsa ky i fundit i kontaktuar nga Report Tv tha se një ish -pronar nga Vlora në bazë të ligjit të kompensimit do marrë 2 hektarë tokë në këtë fshat.

Pushimet për një 55-vjeçar nga fshati Stajka kanë përfunduar në mënyrë tragjike. Mësohet se si pasojë e detit me shumë dallgaë, 55-vjeçari i identifikuar si Pjetër Gjorovia ka gjetur vdekjen.

Vasil Bedinaj, pronar i Hotel "Rexhina" në Vlorë ka zbuluar se nuk i ka shkuar deri në fund padisë për italianin që bëri dasmën në Shqipëri dhe nuk pagoi shpenzimet. Kjo sepse siç ai bëri me dije për Report Tv, italiani e ka kontaktuar  dhe i ka bërë një pagesë prej 1000 eurosh dhe me premtimin që do paguajë pjesën tjetër gjatë kësaj jave. Ai ka zbuluar se italiani i është lutur që të mos vijojë më me denoncimet në media, pasi po e ndante nga bashkëshortja që e ka shqiptare.

Me 10 vota pro, Këshilli i Lartë i Prokurorisë vendosi të pezullojë prokurorin e Vlorës, Maksim Sota, i arrestuar në kuadër të operacionit ndërkombëtar të drogës të quajtur "Shpirti". Ka qenë vetë Sota, ai i cili ka paraqitur kërkesë në KLP për pezullimin e tij nga ushtrimi i detyrës, pasi konstatoi se është subjekt i një procedimi penal dhe këtë herë jo si prokuror, por si person nën hetim. Ky vendim i KLP vjen pasi është njohur me vendimin e SPAK për të marrë të pandehur dhe me masë “arresti shtëpie ndaj prokurorit.

Qytetarët janë përballur edhe ditën e sotme me radhë të gjata kilometrike në aksin Radhimë-Vlorë. Që prej nisjes së sezonit turistik dhe temeraturave të larta që është përfshirë vendi ynë, qytetarët zgjedhin të kalojnë fundjavën në brigjet e bregdetit shqiptar. Mbyllja e fundjavës i përball qytetarët me tarfik të lënduar pothujase në të gjitha akset që të lidhin me kryeqytetin.