A është fëmija im autik? Logopedi Spiro Saqellari flet në studion e “Rreze Dielli” për rëndësinë e dallimit të shenjave të hershme të një fëmije me këtë çrregullim. Si prind ju nuk do të besoni kurrë se fëmija juaj ka një problem. Por kur bëhet fjalë për autizmin, zbulimi i hershëm, idealisht përpara moshës 18-muajshe bën një diferencë të madhe. Autizmi është një spektrum i çrregullimeve, shfaqet në infancë dhe fëmijëri të hershme duke shkaktuar vonesa në zona bazike të zhvillimit si të mësuarit të ecë, luajë apo ndërveprojë me të tjerë. Shenjat dhe simptomat e autizmit variojnë po ashtu dhe efektet. Disa fëmijë me autizëm kanë çrregullime mesatare, ndërkohë të tjerë probleme më të mëdha për të kaluar. Por çdo fëmijë në spektrin autik ka problem, në këto tre fusha: Komunikimi verbal dhe jo verbal; Ndërveprimi me të tjerë dhe botën jashtë dhe Mendimi dhe sjellja fleksibël. Logopedi dhe njëkohësisht specialisti i autizmit, Spiro Saqellari tregoi disa nga shenjat më dalluese të një fëmije autik si dhe u ndal në thirrjen për prindërit “Kushtojini më shumë vëmendje dhe kohë fëmijëve sa janë të vegjël, mos i lini para ekraneve, por flitini, lexojini dhe tregojuni sa më shumë përralla!”, një apel ky si për prindërit ashtu për dhe gjyshërit.