Dy motrat binjake Bona dhe Bruni të ftuara në "Rreze Dielli" rrëfyen marrëdhënien mes tyre dhe ndjesinë që përjeton kur ke dikë që të ngjan fizikisht, por edhe shpirtërisht. Psikologia dhe life coach Bona Miekley na prezantoi sot me motrën binjake Bruni Koeller, e cila jeton në Amerikë me familjen e saj, bashkëshortin amerikan dhe 4 fëmijët. Ato rrëfyen jetën e tyre, punën dhe pasionin e përbashkët për violinën e palestrën.  Njohja e Bonës me bashkëshortin e saj Joshua si "mik" i familjes së motrës, ishte momenti që u kthye në pikëtakimin e dashurisë mes tyre. Prej atij momenti ai nuk u largua më nga Shqipëria, ku ndërtoi jetën me Bonën me të cilën kanë 3 fëmijë.