13 shkurt 2020 Renato Hamza 'Pa Gjurmë' zbardh detaje nga dosja e Renato Hamzës. Dy muaj para zhdukjes ishte vënë në përgjim nga policia, dyshohej për prostitucion Detaje 'bombë' në emisionin 'Pa Gjurmë', 6 vite nga zhdukja e Renato Hamzës. Sipas burimeve pranë policisë së qarkut Elbasan, 'Pa gjurmë' ka mësuar se vetëm dy muaj para se të zhdukej, Reni i Elbasanit ishte vënë në përgjim dhe monitorohej nga policia, pasi dyshohej se ka qenë pjesë e një rrjeti prostitucioni në zonën Shijak-Durrës. 17 qershor 2020 Bleona Mata Lajmi se Bleona do të kthehet për tre ditë në shtëpi qarkulloi pak kohë më parë, në familjen Mata. Në emisionin ’Pa Gjurmë’, gjyshi i vajzës Zenel Mata, rrëfeu se, ky lajm iu pohua nga Gentjana, njëra nga 5 vajzat, që ishin me Bleonën ditën kur ajo u zhduk më 22 maj të vitit 2010. 29 qershor 2020 Bleona Mata Nëna e Bleonës, Bukurie Veizi, e cila ishte në studio tha se pas këtij lajmi të publikuar në emisionin 'Pa Gjurmë', policia e Kukësit ka shoqëruar Gentjanën dhe Qamile Matën, këtë të fundit, që mori Bleonën në fshat, e bën përgjegjësen kryesore. 17 korrik 2020 Iglin Zdrava I zhdukur në Greqi prej 2008, të dhëna të reja për të riun nga Elbasani! Në 2010 ka hyrë në Shqipëri me 4 persona Dyshimet se hyri në Shqipëri në vitin 2010 ngjallën shpresat tek familjarët, të cilët nisën verifikimet, ku nga sistemi TIMS u zbulua se Iglini kishte hyrë në Shqipëri, ndërsa kishte udhëtuar në të njëjtën makinë, së bashku me 4 persona të tjerë, nga Bradasheshi i Elbasanit. Kjo ka ndodhur në 2010, dy vite, pasi ai humbi kontaktet nga Athina. 21 korrik 2020 Taulant Cara Pas 13 viteve, shenja jete për dibranin! Dëshmia ‘bombë’ në ‘Pa Gjurmë’: E takova vjet në Kopenhagen Taulant Cara nga Dibra humbi gjurmët krejt papritur nga Saranda, në vitin 2007. Pas 13 viteve i pari informacion i rëndësishëm, që mbërrin për familjarët është dëshmia që erdhi në emisionin ‘Pa Gjurmë’. Një zotëri nga Dibra pretendon se është takuar me 33-vjeçarin në kryeqytetin danez, Kopenhagen. Madje ai tregon detaje të takimit që ka ndodhur në gusht të vitit 2019, me djalin për të cilin dyshohet se është i riu që kërkohet prej kohësh, në ‘Pa gjurmë’. Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv