Dhjetori hapet me një energji të fuqishme dhe të ndritshme, tipike për stinën e Shigjetarit. Kjo është një periudhë jashtëzakonisht e favorshme në çdo drejtim: dashuria merr ritme të reja dhe dinamike, financat forcohen, ndërsa biznesi dhe iniciativat personale nisin të lëvizin me vrull. "Është një muaj që aktivizon gjithçka rreth jush, prandaj shfrytëzojini mundësitë pa hezitim. Koha është e çmuar, shpejtoni dhe veproni për të çuar përpara çdo plan që e keni lënë pezull. Me Jupiterin në retrogradë, fitoni shansin e artë për të rregulluar çfarë ka mbetur pas dore dhe për të përfituar nga shanset e dyta", thotë Liza Gjika në Rreze Dielli. Trekëndëshi i fuqishëm Dash–Shigjetar–Luan sjell lëvizje dhe shkëlqim të veçantë, ku Dielli ndriçon më fort për këto shenja. Por ndikimi i Jupiterit nuk ndalet vetëm aty: edhe shenjat e tjera do të frymëzohen me ide të reja, forcë dhe qartësi, duke ndihmuar në largimin e çdo bllokimi dhe hapjen e rrugëve të reja.