Me kërkimin e gjurmëve të një vlonjati të zhdukur, e vazhdon misionin pasditen e sotme “Pa Gjurme”. Sokol Imeraj, rezulton i humbur që prej 21 janarit të vitit 2013, ku u nis drejt shtetit Italian për të transportuar një sasi lëndësh narkotike. Në vitin 2013, kur 35-vjecari do të largohej në drejtim të shtetit Italian, njoftoi bashkëshorten, se do të nisej me një skaf drejt Barit, ku familja dyshon se do trasportonte një sasi lëndësh narkotike. Imeraj nuk ka qënë i vetëm në mjetin lundrues, por shoqërohej nga një Tropojan dhe durrësak. Tre te rinjtë shqiptarë kanë mbërritur shëndosh e mirë në ujërat italiane, pasi Sokoli, jo me numrin e tij personal, ka telefonuar familjen. Këtë telefonate e priti bashkëshortja, e cila u befasua nga komunikimi i tij. 35 vjecari i ishte shprehur se nuk do të kthehej më në Shqipëri dhe ajo të bente çfarë të donte së bashku me fëmijët e vegjël. Kjo telefonatë, ngriti shumë dyshime në familjen Imeraj në Vlore. Pasi prinderit e tij dhe bashkëshortja nuk e besojnë se kan qënë fjalët e tij. Ai mund të jetë detyruar nga persona të tjerë, ose ka pasur një shkak te fortë, që është detyruar të lëndoi familjen…