Kështu ndodhi. Kjo histori e dhimbshme e të moshuarit, preku jo pak zemrat e të gjithëve ne. Sikundër u premtua edhe nga moderatorja Odeta Dume stafi i programit udhëtoi drejt qytetatit tëBeratit, nëlagjen Kushtrimi, në katin e pestë të një pallati të vjetër. Derën na e hapi vetë ai. 84-vjecari Breshan Maraj, i cili jeton fillikat në këtë apartament nga i cili rrallë del... I sfilitur nga vetmia, mungesa e njërëzve që nuk e vizitojnë, me sy të përhumbur dhe shikimin e fshehur thellënë fytyrën e rreshkët është ky imazhi i këtij të moshuari që gëzohet san a sheh në derë. I pamundur fizikisht me diagnoza te shumta në trup, 84-vjecari e nis kështu rrëfimin e tij. Na tregon fillimisht sesi e nisi jetën me një grua që ishte 14 vite më e madhe se ai. Një martesë nga e cila erdhën në jetë dy fëmijë një djalë dhe një vajzë. Me origjinë nga Vlora, Breshani është banor i qytetit të njëmijë e një dritareve që prej vitit 1994. Ngjarjet i sjell në kujtesë, sikur të kishin ndodhur sot, kur rrëfen plot trishtim sesi rrodhën vitet mes vështirësive të pafundme. Pas divorcit me bashkëhsorten ai u martua sërish.Por pas kësaj fatkeqësitë në familje ndohën njëra pas tjetrës. Pa u mbyllur plaga e vrasjse së të birit, humb edhe motrën e tij. 40 vitet e jetës me Xhemilën kaluan sa hap e mbyll sytë, mes momenteve të bukura dhe të vështira. Por sot prej saj ka vetëm kujtimet dhe foton e varur në mur. Pas vdekjes së saj 2 muaj më parë 84 vjecari mbeti vetëm. Me një shami të mbeldhur në duart që i dridhen fshin herë pas herë lotët. Edhe pse babai i dy fëmijëve, djalin që u nda nga jeta në moshë të re në vitin 1997 nuk e gëzoi, por as vajzën me të cilën që prej vitit 1994 nuk ka asnjë komntakt. Ajo nuk u bë më e gjallë për babanë që sot dergjet në shtrat I sëmurë dhe pa mbështetje. Kjo histori vjen jo vetëm si një rrëfim, por si një thirrje që vjen nga brenda shpirtit të brengosur të këtij të moshuari, i cili nuk kërkon lëmoshë por një strehë të ngrohtë ku të ngrys vitet e jetës që i kanë mbetur. Ai iu drejtua me një kërkesë emisionit Pa Gjurmë, me një kërkesë për ndihmë ndaj me zërin që i dridhet dhembjen mundohet ta kthej në forcë.