Shefqet Gjana, ka kaluar një jetë plot drama e peripeci, në vitet e regjimit komunist. Ishte vetëm 7 vjeç kur pa të atin të arrestuar me hekura në duar, një kujtim i hidhur që i shenjoi pothuajse gjithë jetën në vijim. Pas të atit do t’i arrestonin edhe gjyshin 70 vjeç, të cilin e çojnë në kampin e Tepelenës, ku vuan për 6 vite në kushtet e mbijetësës dhe nën tortura të vazhdueshme. Përveç historisë së babait dhe gjyshit, në botkuptimin e këtij djaloshi, do linte një shenjë të veçantë edhe historia e dajës së tij Tahsim Spahiu, një nacionalist me kontribute gjatë Luftës së Dytë Botërore por i vënë nën shënjestrën e komunistëve ende pa u mbyllur kjo luftë në Shqipëri. Këto tre personazhe dhe një aksident i mëvonshëm ku humb jetën vëllai i tij i vetëm, i cili ishte detyruar nga rrethanat që të shkonte në aksion, krijuan tek Shefqeti një profil të spikatur si antikomunist, i cili për shkak të karaktetit të tij të drejtpërdrejt, do të binte shpejt nën rrjetën survejuese të Sigurimit të Shtetit, dhe për të do të ndërtoheshin plot 3 dosje, lënda e të cilave do të shërbente vite më vonë për të ngritur një akuzë kundër tij, akuzë që do të çonte pas hekurave të burgut.