Kruajtja, thatësia dhe acarimi i lëkurës janë simptoma të zakonshme për shumë njerëz, lëkura e të cilëve mund të përkeqësohet sidomos në këtë sezon kur temperaturat fillojnë të ulen. Por jo vetëm moti i ftohtë, por dhe përdorimi i  dezinfektuesve apo larja shpesh e duarve sjell tharje dhe plasaritje. Por falë rutinave të thjeshta në shtëpi që mund të përfshihen lehtësisht në regjimin tuaj është e mundur t’i ruani duart pa shumë përpjekje. Në “Bëje vetë” Niki dhe Stela tregojnë si të përgatisim një krem me përbërës natyralë për duar të thata dhe të plasaritura nga faktorë të jashtëm.