Një histori e dhimbshme vjen në “Pa Gjurmë”, ku një familje rrëfen humbjen e vajzës së tyre vetëm 2 vjeç. I ftuar në studio, babai ndan momentet e fundit të së bijës dhe pikëpyetjet që kanë mbetur pa përgjigje. Sipas tij, vogëlushja u vizitua fillimisht për një gjendje që u konsiderua e lehtë, por në pak ditë situata u përkeqësua, duke përfunduar në urgjencë, ku ajo humbi jetën. Familja kërkon transparencë dhe drejtësi, duke ngritur shqetësime mbi trajtimin e ndjekur dhe mungesën e një shpjegimi të qartë në dokumentacionin mjekësor. Një rrëfim që prek thellë dhe ngre shumë pyetje mbi atë që ndodhi në ditët e fundit të vogëlushes. Pa Gjurmë vjen çdo ditë, ora 16:00, në Report TV, me gazetaren Odeta Dume Mandro.