Në këtë episod të emisionit investigativ “Pa Gjurmë”, me gazetaren Odeta Dume, trajtohet një problematikë që prek mijëra familje shqiptare: mbështetja ndaj moshës së tretë dhe personave me aftësi të kufizuara.I ftuar në studio është sekretari i Shoqatës për Moshën e Tretë në Shqipëri, Elmaz Koçi, i cili flet për vështirësitë që përballen çdo ditë të moshuarit në vendin tonë. Sipas tij, shumë pensionistë jetojnë në kushte të vështira ekonomike dhe këmpet apo ndihma që marrin nga shteti shpesh nuk mjaftojnë as për ilaçet.Në studio rrëfen edhe eksperiencën e tij Emrulla Sula, i cili prej vitesh trajtohet me këmp dhe tregon se përballja me jetesën e përditshme mbetet shumë e vështirë.Në fokus të diskutimit është edhe fenomeni i të moshuarve që jetojnë vetëm për shkak të emigracionit, ku sipas të dhënave rreth 31 mijë të moshuar në Shqipëri jetojnë të vetmuar, ndërsa në vend numërohen rreth 170 mijë persona me aftësi të kufizuara, të cilët përballen me mungesën e rampave dhe qendrave rehabilituese.Një diskutim i hapur për sfidat sociale, mbështetjen institucionale dhe nevojën për më shumë kujdes ndaj kategorive më të ndjeshme të shoqërisë.