Në këtë episod të Pa Gjurmë me gazetaren Odeta Dume Mandro në Report TV, trajtohen disa histori të rënda dhe ende pa përgjigje që vazhdojnë të mbajnë familjet në pritje. Prej 3 vitesh pa asnjë shenjë jete, familja e Toli Shqaut nga Gjinar i Elbasanit kërkon të vërtetën për fatin e tij. Vëllai rrëfen momentet e fundit para zhdukjes dhe dyshimet që e shoqërojnë këtë rast, ndërsa thekson se ai nuk ishte në gjendje të largohej i vetëm. Po ashtu, rikthehet në vëmendje zhdukja e Bujar Sefës në Tiranë, një histori që prej vitit 2007 mbetet pa përgjigje, si dhe rasti i Sokol Tufës nga Nikla e Fushë-Krujës, i cili u largua për punë dhe nuk u kthye më që prej vitit 2004.Tre histori, një dhimbje e përbashkët: pritja për një lajm. Familjarët bëjnë thirrje për ndihmë nga kushdo që mund të ketë informacion, me shpresën për të hedhur dritë mbi këto zhdukje. Ndiqni Pa Gjurmë çdo ditë, ora 16:00 në Report TV, me gazetaren Odeta Dume Mandro.