Një histori familjare e mbushur me dyshime, dhimbje dhe përçarje u rrëfye në studio, ku vjehrri dhe i biri treguan versionin e tyre për një martesë që përfundoi në ndarje dhe largim nga fëmija. Sipas Miço Keço, gjithçka nisi kur një i panjohur u paraqit në shtëpinë e tyre dhe kërkoi nusen e djalit. Ky moment ngriti dyshime të forta te familja. Miço Keço shprehet i bindur se nusja e ka tradhtuar të birin, duke deklaruar se sjelljet dhe rrethanat nuk linin vend për dyshim. Nga ana tjetër, Niko Keço rrëfen se e kishte falur gruan, jo për hir të tradhtisë, por nga frika. Ai tregon se ishte kërcënuar se ajo do t’i jepte fund jetës nëse ai do ta linte. Për këtë arsye, ai vendosi të heshtë dhe të vazhdojë bashkëjetesën.Pas shtatë vitesh bashkëjetesë, e vërteta doli në pah. I riu zbuloi se tradhtia kishte vazhduar dhe kjo solli ndarjen përfundimtare. Por ndarja nuk ishte e vetmja plagë: ai u largua edhe nga i biri, duke e bërë këtë histori edhe më të dhimbshme.“Nuk doja të shkatërroja familjen,” rrëfen ai, “por ajo vazhdonte të më tradhtonte.” Sot, ai flet për një familje të copëtuar, për një baba që jeton larg fëmijës dhe për një dhimbje që, sipas tij, nuk shërohet lehtë. Një histori që ngre pyetje të forta mbi besimin, frikën dhe pasojat që një tradhti mund të lërë pas në një familje.