Një histori që tronditi opinionin publik dhe mobilizoi qytetarë, policinë dhe familjarët për gjetjen e një 13-vjeçari nga Kavaja, i cili ishte larguar prej dy javësh nga banesa. Në studion e Pa Gjurmë, gazetarja Odeta Dume Mandro sjell dëshmi, rrëfime dhe informacionet që çuan në lokalizimin e të miturit.Prindërit e divorcuar bashkuan forcat për të kërkuar djalin e tyre, ndërsa nëna ngre shqetësime për gjendjen emocionale dhe shoqërinë me të cilën ai ka qëndruar gjatë largimit nga shtëpia. Në një intervistë të drejtpërdrejtë, 13-vjeçari rrëfen arsyet që e shtynë të largohej dhe kërkesën e tij për të jetuar me nënën.Një kronikë e ndjeshme që trajton marrëdhëniet familjare, sfidat e adoleshentëve dhe rëndësinë e reagimit të shpejtë të institucioneve dhe qytetarëve në raste të tilla.