Në kuadër të 2 Prillit, Ditës Botërore të Ndërgjegjësimit për Autizmin, “Pa Gjurmë” sjell një emision të dedikuar ndërgjegjësimit dhe humanitetit. Në studio, terapistja Vitjona Begeja ndan eksperiencën e saj me fëmijët në spektrin e autizmit dhe prezanton nismën sensibilizuese “Bli një trëndafil, dhuro një terapi”, një thirrje për të kontribuar konkretisht në jetën e këtyre fëmijëve. Psikologia Lekli thekson se autizmi prek më shpesh djemtë sesa vajzat, ndërsa në një lidhje direkte nga qendra e fëmijëve autikë, gazetarja Klaudja Habili sjell realitetin e përditshëm dhe sfidat që përballen familjet. Një emision që vjen si një apel për më shumë ndërgjegjësim, mbështetje dhe dashuri, sepse çdo jetë ka vlerë.