Konflikti për një banesë ka ndarë dy motra, të cilat prej 6 muajsh nuk flasin më me njëra-tjetrën. Në studio, 38-vjeçarja rrëfen mes lotësh se si një pronë familjare, e rindërtuar pas tërmetit të vitit 2019, është kthyer në shkak për përçarje të thellë brenda familjes. Ajo pretendon se motra kërkon ndarje të shtëpisë, ndërsa ndjen se edhe nëna është në krahun tjetër, duke e lënë të vetme në këtë përballje të dhimbshme. Mes akuzave, pretendimeve për pasuri dhe konflikteve që përfshijnë edhe familjarë të tjerë, ajo bën një apel të fortë: kërkon drejtësi dhe rikthimin e lidhjeve familjare që po shuhen. “Pa Gjurmë”, çdo ditë ora 16:00 me gazetaren Odeta Dume në Report TV.