Historia e dhimbshme e një familjeje nga Vlora vjen në “Pa Gjurmë”, ku një baba kërkon me dëshpërim të birin e humbur prej vitesh në Greqi. Dy vëllezër u larguan bashkë drejt emigrimit, por një moment frike i ndau përgjithmonë. Njëri arriti të shpëtojë, ndërsa tjetri, Lavdosh Sinanaj, humbi çdo kontakt me familjen. Pas tre muajsh pa asnjë lajm, një telefonatë e shkurtër nga Greqia dha shpresë: ai ishte gjallë. Por që nga ajo ditë, heshtja u bë e plotë. Babai, Hamdi Sinanaj, rrëfen kërkimet e pafundme dhe dhimbjen që nuk shuhet, ndërsa dyshimet për fatin e të birit mbeten të forta. Familja apelon për ndihmë: kushdo që ka një informacion, sado i vogël, mund të bëjë diferencën. Pa Gjurmë vjen çdo ditë, ora 16:00, në Report TV, me gazetaren Odeta Dume Mandro.