Një betejë e gjatë ligjore dhe emocionale ka përfshirë një cift nga Elbasani, ku në qendër qëndron fati I djalit të tyre 4 vjec. Babai I tij Bukurosh Ruda pretendon se ish bashkëshortja, Xhiljola, ushtron dhunë fizike dhe psikologjike ndaj të birit.Përshkak se debatet ishin të shumta, për rritjen e djalit më shumë u angazhua mamaja e Bukuroshit, Fiqiretja. Pas bisedës me Bukuroshin dhe nënën e tij në fshatin Shushicë, rreth 7 kilometra larg qytetit të Elbasanit, udhëtuam drejt banesës ku jeton ish-bashkëshortja e tij, Xhiljola. Pas disa minutash kërkimi, arritëm pranë banesës ku qëndron ajo dhe trokitëm në derë për të marrë qëndrimin e saj lidhur me akuzat që ish-burri ka ngritur publikisht. Në derë u përgjigj e ëma e Xhiljolës, e cila nuk pranoi të jepte asnjë koment. Edhe pas insistimit tonë, qëndrimi mbeti i njëjtë…Kështu, versioni i Xhiljolës për historinë mbetet i padëgjuar, duke lënë të njëanshme dëshmitë e deritanishme të ish-bashkëshortit. Por cfarë ka ndodhur pas publikimit të rastit në emisionin Pa Gjurmë... do të jetë sërisht Bukuroshi që do të na I rrëfej… Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv