Përballë gazetarës Odeta Dume Mandro, Romeo Yzi rrëfen historinë e rëndë të divorcit dhe akuzat ndaj ish-bashkëshortes për braktisjen e dy fëmijëve të mitur. I riu nga Vlora tregon se pas 10 viteve martesë, familja e tij u përball me tradhti, konflikte dhe largimin e gruas drejt Francës me djalin e vogël.Në studio, ai pretendon se ish-bashkëshortja ka marrë me vete vetëm njërin fëmijë, ndërsa vajza ka mbetur me të në Shqipëri. Romeo Yzi rrëfen dyshimet për atësinë e djalit të vogël dhe kërkon publikisht kryerjen e analizës së ADN-së. Ai ndan edhe shqetësimet për gjendjen emocionale të fëmijëve, duke pretenduar se vajza ka kaluar trauma të rënda nga konfliktet në familje.Mes lotësh dhe emocionesh të forta, babai kërkon të dijë të vërtetën dhe i bën thirrje ish-gruas të rikthehet për të përfunduar procesin e divorcit dhe për t’u përballur me akuzat. Një histori e rëndë familjare me pretendime dhe kundërpretendime që transmetohet në “Pa Gjurmë”. Na ndiqni çdo ditë ora 16:00 me gazetaren Odeta Dume në Report TV.